Ísbjörn sem ætlar sér heimsmeistaratitil: „Skila frá­bærri frammistöðu og von­andi rot­höggi”

Hnefaleikakappinn Kolbeinn stefnir á heimsmeistaratitil.

Tilkynnt hefur verið um næsta bardaga hnefaleikamannsins Kolbeins Kristinssonar, oft kallaður Ísbjörninn, en hann fer fram 2. desember í Vín í Austurríki. Þar mun hann mæta hinum 36 ára Mirko Tintor en hann hefur tapað þremur seinustu bardögum sínum.

Kolbeinn er besti boxari í sögu Íslands en hann er taplaus í 14 bardögum og hefur hann rotað andstæðinga sína í átta af þessum 14 bardögum. „Ég er spennt­ur að fara aft­ur til Vín­ar­borg­ar og skila frá­bærri frammistöðu og von­andi rot­höggi. Ég ætla svo í kjöl­farið að halda áfram að vinna mig í átt að því að verða heims­meist­ari,” sagði Kolbeinn í fréttatilkynningu um bardagann.