Sigvaldi Kaldalóns, sem er vel þekktur hér á landi sem Svali, hefur verið búsettur í tvö ár á Tenerife ásamt fjölskyldu sinni, þar sem hann starfar í dag sem fararstjóri með eigið fyrirtæki.
Eins og komið hefur fram í fréttum hefur Covid19-smit verið greint þar og sjö Íslendingar eru í sóttkví á H10 Costa Adeje Palace hótelinu þar.
Sjá einnig: Kórónaveirusmit á Tenerife – Þúsund manns sagðir í sóttkví á hóteli
Í viðtali við Vísi segir Svali að auðvitað sé uggur í Íslendingum sem dvelja nú á eyjunni, en þetta sé eitthvað sem komi ekki alveg á óvart, enda eyjan mikill ferðamannastaður.
„Þetta var vitað, Tenerife er svo fjölsóttur ferðamannastaður. Sex milljónir manna koma hér á hverju ári. Þegar fréttir bárust frá Ítalíu, þá var búið að setja allt í gang á öllum spítölum hérna, og undirbúa. Aldrei spurning um hvort heldur hvenær.“
Svali segir að heilbrigðiskerfið á Spáni sé gott. „Auðvitað taka menn þessu mjög alvarlega. Heilbrigðiskerfið hér er frábært og þeir vita pottþétt hvaða þeir syngja í undirbúningnum.“
Nánar má lesa viðtalið við Svala á Vísi.
Sjá einnig: Föst á Tenerife – „Maður veit aldrei hver er smitaður“