- Auglýsing -
„Við erum svo sem bara algjörlega á upphafsstigum rannsóknar,“ sagði Eiríkur Valberg lögreglufulltrúi í samtali við Mannlíf nú upp úr hádegi. Líkt og Mannlíf greindi frá í morgun barst lögreglunni tilkynning á tólfta tímanum í gærkvöld um átök á bílastæðinu við Fjarðarkaup í Hafnarfirði. Lögregla fór á vettvang og fann þolandann sem var í kjölfarið fluttur á slysadeild og úrskurðaður þar látinn skömmu síðar.
Aðspurður hvort lögregla væri enn á vettvangi sagði Eiríkur svo vera: „Já, það er enn þá verið að rannsaka vettvang.“ Eiríkur sagði vegfaranda hafa gert lögreglu viðvart um átökin á bílastæðinu í gærkvöldi en að öðru væri ekkert nýtt að frétta af málinu. Enn eru fjórir í haldi lögreglu í tengslum við málið.
Fréttin verður uppfærð.
