Örnólfur kveður brátt forsetaembættið: „Allt hefur sinn tíma segir predikarinn“

Efnisorð

Deila

- Auglýsing -

Embætti forseta Íslands hefur auglýst eftir nýjum forsetaritara sem taka á við starfinu 1. mars næstkomandi og leysa þá af Örnólf Thorsson sem hefur þjónað forsetum landsins í rúma tvo áratugi.

Örnólfur hefur starfað hjá embætti Forseta íslands í yfir tuttugu ár, þar af sem forsetaritari frá árinu 2005. Hann verður arftaka sínum til halds og trausts fram á sumarlok næsta árs en hverfur þá til annarra starfa. Aðspurður um tíma sinn hjá embættinu og að hvað verkefnum hann muni síðan snúa sér svarar Örnólfur þessu til. „Það kemur í ljós eins og maður segir. Ég er búinn að vera hérna nokkuð lengi þannig að mér hlýtur að hafa liðið nokkuð vel. Allt hefur sinn tíma segir predikarinn. Nú er tímabært að hverfa að öðrum verkefnum,“ segir Örnólfur.

Embætti forsetaritara hefur verið auglýst laust til umsóknar. Samkvæmt auglýsingunni stýrir forsetaritari embætti forseta Íslands undir yfirstjórn forseta. Hann stýrir fjármálum, mannauði og daglegum störfum á skrifstofu forseta og Bessastöðum. Æskilegt þykir að umsækjendur um starfið hafi staðgóða þekkingu á íslenskri stjórnskipun og stjórnsýslu ásamt því að hafa góða tungamálakunnáttu.

Fyrir hönd forsetaembættisins annars forsetaritari  samskipti við Alþingi, ráðuneyti, fjölmiðla og sendiherra erlendra ríkja. Hæfniskröfur samkvæmt auglýsingu eru þær að umsækjendur hafi háskólamenntun sem nýtist í starfi, búi yfir fjölþættri reynslu af stjórnun, störfum á alþjóðavettvangi, mannauðsstjórnun og stefnumótun, leiðtogahæfni og færni í mannlegum samskiptum.

Um er að ræða fullt starf og er skipað til þess til fimm ára í senn. Ef þú hefur áhuga á starfinu getur þú sótt um á netfangið [email protected]

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -