Rætin ummæli Páls Vilhjálmssonar, kennara við Fjölbrautarskólann í Garðabæ, um Helga Seljan hafa valdið uppnámi og fordæmingu í samfélaginu, eins og Mannlíf greindi frá.
Í pistli sínum gerði hann andlega heilsu Helga að umtalsefni og taldi fráleitt að hann gengdi starfi á ríkisreknum fjölmiðli. Tilefnið er að Helgi sagði frá glímu sinni við þunglyndi í sjónvarpsviðtali.
„Geðveikur Helgi skipuleggur í áravís skandal hægri vinstri, skáldar ef ekki vill betur til. Sá geðveiki fær fullt umboð yfirstjórnar RÚV til að flytja áróður klæddan í búning frétta,“ skrifar Páll.
Hýsill Páls er gjarnan Morgunblaðið sem heldur úti bloggi hans og hefur gert hefur öfgakenndum skoðunum Páls hátt undir höfði í Staksteinum. Davíð Oddsson ritstjóri hefur haft sérstakt dálæti á skrifum Páls.
Mannlíf hafði samband við Fjölbrautarskólann í Garðabæ þar sem Páll kennir Sagnfræði.
Kristinn Þorsteinsson, skólameistari sagði að málið væri til skoðunar og væri tiltölulega nýtt hjá þeim.
„Ég hef fengið fjölmargar athugasemdir, bæði frá foreldrum og öðrum,“ sagði Kristinn.
Aðspurður hvað honum þætti um ummæli Páls um Helga Seljan sagðist hann ekki vilja tjá sig um það að svo stöddu.
„Ég held að ég kjósi að tjá mig ekki um það á þessu stigi, sem þýðir ekki að ég hafi ekki skoðun á málinu“.
Páll starfaði áður við Rannís, sem fjölmiðlafulltrúi. Hann var umdeildur innan vinnustaðarins og hætti störfum.