Hin goðsagnakennda pönkhljómsveit Mosi frændi stefnir á plötuútgáfu á næstunni en söfnun stendur yfir á karolinafund.is.
Mosi frændi var stofnuð í Menntaskólanum við Hamrahlíð árið 1986 en sviðsframkoma þeirra félaga vakti strax athygli. Hljómsveitin komst í úrslit Músíktrilrauna árið 1988 en sama ár sló lag þeirra „Katla kalda“ rækilega í gegn hjá landanum. Sama ár var komin þreyta í mannskapinn og lagði Mosi frændi upp laupana.
Það var svo árið 2009 sem Mosi frændi vaknaði úr dvalanum og hóf að semja nýja tónlist og koma fram á giggum. Síðan þá hafa þeir félagar í bandinu verið duglegir að gefa út tónlist og koma fram á tónleikum víðs vegar á landinu við góðar undirtektir.
Árið 2022 gaf Mosi frændi út tvær sex laga þröngskífur í rafrænni útgáfu en nú dreymir bandið um að færa útgáfurnar í fast form. „Svarthol og Hvítur dvergur verða á sitt hvorri hliðinni á glæsilegri plötu úr lituðum vínyl – sannkallaður safngripur fátæka mannsins,“ segir á Karolina fund síðu Mosa frænda en þar má styrkjar bandið svo hægt sé að koma út plötunni.
Hægt er að hlusta á hljómsveitarmeðlimi ræða plötuna, hér.
Hér fyrir neðan má hlusta á hið stórgóða lag Þú ert á mute.