Spurningar Gísla Þorlákssonar á íbúafundi í Grindavík vöktu mikla athygli en klappað þegar hann lauk sér af. Gagnrýndi hann meðal annars fréttakonu Ríkisútvarpsins fyrir að hlæja í umfjöllun um mögulegt gos.
Á fimmtudaginn var haldinn íbúafundur í Grindavík um mögulegt eldgos í Svartsengi, nærri Grindavíkurbæ. Víkurfréttir segir frá því að í lok fundarins hafi Gísli nokkur Þorláksson slegið í gegn þegar opnað var fyrir spurningum úr sal. Vöktu spurningar Gísla og pælingar, mikla athygli en hann hlaut lófaklapp að loknum spurningunum. Gagnrýndi hann aðgerðarleysi HS Orku og HS Veitna og vakti athygli á svari forstjóra Náttúruhamfaratrygginga Íslands, Huldu Ragnheiðar Árnadóttur. Þá gagnrýndi hann aukreitis fréttaflutning RÚV, þar sem sjónvarpsfréttamaður hálfhló í viðtali um þessa alvarlegu stöðu sem uppi er í Grindavík.
„Í viðtali við Kristínu hjá Veðurstofunni, fór fréttakonan að hlæja. Það finnst mér ekki við hæfi, það er eins og fólk geri sér ekki grein fyrir alvarleika stöðunnar. Ellefu ára gamalt barnabarn mitt sá þetta með mér og var pirrað, það að ellefu ára gömlu barni sé misboðið, segir kannski meira en allt,“ sagði Gísli að lokum.