Hryssa nokkur tók sig til og synti út í Lundey í Skagafirði og aftur í land. Talið er að hún hafi verið í graðhestaleit.
Feykir segir frá því að sá sjaldgæfi atburður hafi gerst í fyrradag að hryssa hafi tekið sér sundsprett út í Lundey í Skagafirði og aftur í land. Talið er líklegt að hryssan hafi verið í hestalátum og í graðhestaleit handan Héraðsvatna en sterkur straumurinn hafi hrifið hana út til sjávar.
Hryssan atarna var í hólfi í Garði í Hegranesi en Jón Sigurjónsson sem náði ljósmyndum af sundafreki hennar, telur að hún hafi ætlað yfir Vötnin og í Vatnsleysu en að straumurinn hafi skolað henni niður í sjó. Hafi hryssan þá tekið á það ráð að synda í Lundey, sem er smáeyja í botni Skagafjarðar, um tvo til þrjá kílómetra frá landi. Ekki leyst henni betur á eyjuna en svo að hún stökk fljótlega aftur í sjóinn og synti aftur í land upp í fjöru Garðssandsins.
Hægt er að sjá fleiri ljósmyndir sem Jón Sigurjónsson tók af hryssunni hér.