Laufey Ebba er gífurlega vinsæl á samfélagsmiðlinum TikTok og virðist vera ein þeirra fyrstu sem verður þekkt vegna þess miðils. Til marks um það þá er hún með vefverslun þar sem hægt er að kaupa föt merkt henni. Hún var í viðtali við DV um helgina sem vakti athygli en þar lagði hún áherslu á að hún boðaði náungakærleik og gegn neteinelti. Hún var einnig sökuð um dýraníð á dögunum.
Sjá einnig: Laufey Ebba samfélagsmiðlastjarna sökuð um dýraníð: „Hef fengið ógrynni af hatursskilaboðum“
Á Twitter birtir hún þó skjáskot af skilaboðum sem hún fékk frá manni sem kynnir sig og segist frá Akureyri. Hún segist vita að hann sé þroskaskertur. Hún skrifar fyrst: „Pray for me að þetta virki“ og deilir myndinni hér fyrir neðan.
Því næst segir hún baksöguna. „Fyrir context þá er þetta þroskaskertur (er það PC orð?) maður sem kann engin mörk og ,,ofsækir” fólk á samfélagsmiðlum. Hann á ekki skilið niðurlægingu en samt skritið að hann viti simanumerið mitt sem er ekki á ja.is né skráð neinstaðar.“
Í viðtalinu við DV sagði Laufey orð á því að TikTok ætti sér sína neikvæðu hlið. „Laufey viðurkennir að miðillinn hafi þó sínar neikvæðu hliðar. „Það er einnig mjög dökk menning þar inni sem er að mínu mati mikið áhyggjuefni. Þar þrífst „hliðarsamfélag“ af fólki sem nærist á því að niðurlægja aðra. Ég veit að það er gömul klisja að segja að það sé auðvelt að „fela sig á bak við skjáinn“, en það er satt. Ólíkt þessu „hefðbundna“ einelti sem hefur þekkst lengi er þessu oft ekki beint að einum aðila heldur öllum.“