Eldri maður sparkaði í hund tónlistamannsins Bassa Maraj á dögunum.
Hinn bráðskemmtilegi tónlistarmaður og raunveruleikastjarna, Bassi Maraj var í hressu viðtali á K100 útvarpsstöðinni á dögunum en þar sagði hann meðal annars frá eldri manni sem sparkaði í hundinn hans. „Fólk getur alveg verið klikk, eins og gamli karlinn,“ sagði Bassi í upphafi sögunnar. „Ég var úti að hlaupa með hundana, klukkan sex um morguninn og hann bara sparkaði í hundinn minn og ég bara „Hell no!“ og ég sparkaði í hann á móti og sagði: „Hvað ertu að gera, ertu ekki í lagi?“ Og hann sagði „Nei, þetta er ekki í lagi, hann reyndi að bíta mig!“.“ Bassi sagðist þá hafa svarað að bragði: „Bíddu, reyndi hann að bíta þig, er ekki í lagi með þig eða?! Og við vorum svo bara að rífast en svo ætlaði hann að reyna að sparka í litla hundinn minn en þá sagði ég „Ég bít af þér eyrað eins og Mike Tyson!“. Og þá fór hann alveg. En ég hef hitt hann tvisvar eftir þetta og hann snýr alltaf við og labbar í hina áttina.“
Hægt er að hlusta á allt viðtalið hér.