Föstudagur 30. september, 2022
8.8 C
Reykjavik

Steinunn Ólína segir snúið út úr orðum Sólveigar Önnu: „Megum búast við að hingað flytji milljónir“

Helgarviðtalið

- Auglýsing -

Orðrómur

- Auglýsing -

Steinunn Ólína Þorsteinsdóttir leikkona tekur upp hanskann fyrir Sólveigu Önnu Jónsdóttur í nýrri færslu á Facebook.

Leikkonan ástsæla, Steinunn Ólína Jónsdóttir skrifaði færslu á Facebook í dag og hlekkjar við hana frétt af Rúv. Í fréttinni stendur að Samtök kvenna af erlendum uppruna séu ósátt við ummæli Sólveigar Önnu Jónsdóttur, verkalýðsforingja en hún hefur sagt að það yrði ekki ofarlega á lista verkalýðshreyfingarinnar að erlendu starfsfólki verði gefinn kostur á íslenskunámi. Segja samtökin að ummælin séu skaðleg baráttu þeirra.

Steinunn Ólína segir að búið sé að snúa út úr orðum Sólveigar Önnu.

„Ef verkafólk fær mannsæmandi laun og þarf ekki að vinna öllum stundum getur það leikið sér að því að læra tungumál sér til skemmtunar og hagsbóta. Að snúa út úr orðum Sólveigar Önnu er orðið einskonar ömurlegt þjóðarsport. Fyrst er að hækka laun og bjóða fólki mannsæmandi vinnuumhverfi. Það er aðalatriði hér. Ef fólk býr við launaöryggi og jafnframt eðlilegan frítíma þá kemur hitt af sjálfu sér. Þá kemur getan og löngunin til að aðlagast samfélagi sem er ekki bara að mergsjúga krafta þess.“

Í niðurlagi færslunnar talar Steinunn um framtíð íslenskunnar en hún er ekkert sérlega bjartsýn.

„Staða íslenskunnar er á hallanda fæti og við megum búast við að hingað flytji milljónir á næstu 2-3 áratugum vegna stríða, náttúruhamfara, hnatthlýnunnar og hungurssneyða. Eigum við ekki vera raunsæ og fara að gera okkur klár í það? Það er stærra vandamál en svo að það eigi að hvíla á herðum erlends illa launaðs verkafólks sem hér nú starfar.
Til að standa vörð um þetta örmál þarf væntumþykju og ást þeirra sem hér fara með völd á landi, þjóð og tungu en því er bara ekki að heilsa.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -