Tveir greindust með COVID-19 í gær

Heildarfjöldi staðfestra COVID-19 smita er kominn upp í 1.801 hér á landi. Tvö ný smit greindust á síðasta sólarhring. Virk smit eru 36 núna, 1.755 einstaklingar hafa náð bata eftir að hafa smitast.

Í gær voru 252 sýni rannsökuð á sýkla- og veirufræðideild Landspítalans, eitt smit greindist úr þeim sýnum. Þá voru 368 sýni rannsökuð hjá Íslenskri erfðagreiningu í gær, eitt jákvætt smit var í þeim sýnum.

Næsti upplýsingafundur almannavarnadeildar ríkislögreglustjóra vegna COVID-19 verður á morgun, föstudag, klukkan 14.00.