Þriðjudagur 19. mars, 2024
0.8 C
Reykjavik

Þetta er Íslendingurinn sem er grunaður um hræðilega glæpi á Spáni

VefTv

- Auglýsing -

Hlaðvörp

- Auglýsing -

Íslendingurinn sem er í haldi lögreglunnar á Spáni grunaður um barnaníð heitir Ómar Traustason. Þetta herma heimildir Mannlífs. Ómar hefur verið dæmdur fyrir barnaníð á Íslandi tvisvar en í seinna skiptið sýknaði Hæstiréttur hann.

Í fyrra málinu voru þolendur fjórir en einn í því síðara. Á Spáni er nú talað um átta fórnarlömb. Fórnarlömb og meint fórnarlömb Ómars er því ekki svo fámennur hópur. Ómar hefur hins vegar hingað til einungis fengið tíu mánaða dóm en réttarkerfið hefur óneitanlega reynst honum vel.

Svo virðist sem að eftir að Hæstiréttur sleppti honum árið 2014 þá hafi hann fljótlega flutt erlendis, til Suður-Ameríku, en spænsk yfirvöld virðast gruna hann einnig um brot þar. Samkvæmt Þjóðskrá er lögheimili hans þó í Danmörku. Síðustu tvö ár hefur Ómar í það minnsta búið í bænum Torre Pacheco, en þar er hann grunaður um árásir á átta börn frá síðasta sumri. Mikið magn barnakláms fannst í tölvu hans.

Ómar var 32 ára þegar Héraðsdómur Suðurlands dæmdi hann fyrst fyrir barnaníð. Það var árið 1993 en brotin áttu sér stað á árunum 1990 til 1992. Dómurinn var ekki þungur, tíu mánuðir fyrir að misnota fjóra unga drengi í Vestmannaeyjum. Ómar að vísu viðurkenndi að hafa misnotað einn pilt í viðbót árið 1988. Hvernig það fór er líklega lýsandi fyrir upplifun Ómars af réttarkerfinu. Samkvæmt umfjöllun DV árið 2013 „leystu“ foreldrar piltsins, Ómar og félagsmálastjóri í Vestmannaeyjum það í kyrrþey.

Aron Arnórsson var einn þeirra fjögurra sem Ómar var dæmdur fyrir að hafa misnotnað. Mál hans var þó ekki „leyst“. Hann var bráðkvaddur þann 11. október árið 2013, einungis 32 ára. Móðir hans sagði andlát hans beina afleiðingu af misnotkun Ómars. „Við fengum hann aldrei til baka,“ sagði hún í minningargrein.

Þegar Aron lést þá hélt hann að Ómar væri á leið í fangelsi í þrjú ár. Enda var það niðurstaða Héraðsdóms Suðurlands sem hafði sakfellt hann fyrir ýmis kynferðisbrot gegn 14 til 15 ára pilt. Tæpum tveimur vikum eftir að Aron lést ákvaðu fjórir af fimm dómurum að sýkna hann. Málið  dæmdu Markús Sigurbjörnsson, Árni Kolbeinsson,  Ólafur Börkur Þorvaldsson, Viðar Már Matthíasson og Ingibjörg Benediktsdóttir. Líkt og í fleiri sýknidómum í kynferðisbrotum þá var Ingibjörg sú eina sem var ósammála.

- Auglýsing -

Í þeim málum sem áttu sér stað hér á landi mátti greina ákveðið mynstur á misnotkunni. Í Pressunni árið 1993 var því lýst svo: „Flest atvikin sem dæmt var fyrir voru af svipðum toga. Ómar sætti lagi var einn með piltunum, á heimili sínu eða í bíl. Hann sýndi þeim klámmmyndir um leið og hann færði talið að kynferðismálum. Hann sýndi þeim kynfæri sín um leið og hann hafði í frammi kynferðislega tilbuði, svo sem sjálfsfróun. Einnig gerði hann tilraunir til að færa þá úr fötunum og fara höndum um kynfæri þeirra og tókst það í sumum tilfellum.“

Í málinu árið 2013 leitaði pilturinn til Ómars því fjölskylda hans varð húsnæðislaus. „Pilturinn fékk húsaskjól hjá Ómari, bæði í Breiðholti og í Kópavogi, og mat og pening fyrir nesti í skólann, auk þess sem Ómar hélt að honum fíkniefnum,“ segir í frétt Vísis um dóm héraðsdóms.

Samkvæmt spænskum fjölmiðlum þá er Ómar grunaður um að hafa notað ávallt sömu aðferð, modus operandi eins og það er orðað. Hann mun hafa vingast við unga pilta, boðið þeim svo ýmisleg verðlaun með það að markmiði að misnotka þá.

- Auglýsing -

Móðir Arons heitins, Helga Jónsdóttir, var afdráttarlaus í viðtali við DV árið 2013. Hún taldi þjóðarskömm hvernig dómstólar á Íslandi höguðu sér. „Ómar fær 10 mánaða dóm fyrir barnaníð, það er svartur blettur á íslensku réttarkerfi, þessi drengir á sínum tíma fengu lífstíðardóm og sonur minn í reynd dauðadóm,“ sagði Helga.

 

 

 

 

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -