Verðbólga komin upp í 9,6%

Verðbólga hér á landi mæl­ist nú 9,6% – hækk­ar úr 9,3% sem hún mæld­ist í síðasta mánuði.

Þá hækkar vísi­tala neyslu­verðs um 0,66% frá fyrra mánuði og mæl­ist nú 564,6 stig; vísi­tala án hús­næðis­verðs hækk­ar um 0,76% milli mánaða; er nú 466,8 stig, en ár­sverðbólga án hús­næðisliðar­ins mæl­ist 7,5%.

Þessar upplýsingar er að finna í til­kynn­ingu frá Hag­stof­unni.

Og þar seg­ir að verð á mat og drykkjar­vör­um hafi hækkað um 0,6% – áhrif á vísi­töl­una 0,10% – og flug­far­gjöld til út­landa hafi hækkað um 19,4% – áhrif á vísi­töl­una 0,34%.

Einnig að ársmeðaltal vísi­tölu neyslu­verðs árið 2022 var 545,1 stig, 8,3% hærra en meðal­vísi­tala árs­ins 2021. Sam­svar­andi breyt­ing var 4,4% árið 2021 og 2,8% 2020.

Líka að ársmeðaltal vísi­tölu neyslu­verðs án hús­næðis árið 2022 var 453,7 stig, 6,1% hærra en meðal­vísi­tala árs­ins 2021. Sam­svar­andi breyt­ing var 3,8% árið 2021 og 3,0% 2020.