Léttruglað par var gripið glóðvolgt við kynlífsathöfn inni á klósetti í Easy Jet flugvél þann 8. september síðastliðinn. Það sem verra er, það náðist á myndband.
The New York Post segir frá því að myndband hafi birst á X-inu (áður Twitter) sem sýnir afar vandræðalegan flugþjón fyrir utan salerni í miðju flugi Easy Jet en farþegar heyrast góla og hlæja á meðan flugþjónninn reynir að ná athygli pars sem fór inn á salernið saman, í þeim tilgangi að ganga í kynlífsklúbb háloftanna (e. Mile-High Club).
Og svo opnar flugþjónninn vandræðalegi hurðina að klósettinu og við öllum farþegunum blasti parið graða í miðjum kynlífsathöfnum. Pilturinn brosir vandræðalega og lokar hurðinni svo aftur. Við þessa sjón misstu áhorfendur, það er að segja farþegarnir, sig og góluðu upp yfir sig og gripu um munn sér.
Easy Jet staðfesti í fjölmiðlum að athæfið hafi gerst um borð flugvélar félagsins þann 8. september er hún flaug frá Bretlandi til Ibiza.
Hringt var í lögregluna en ekki er vitað hvort hún hafi aðhafst eitthvað vegna málsins.
Hér má sjá myndbandið:
— aney stokes (@VideosIrish) September 10, 2023