Í dag, mánudaginn 12. júní sendir Sigur Rós frá sér glænýtt lag í aðdraganda að uppseldu tónleikaferðalagi um Evrópu og Norður Ameríku sem hefst föstudaginn 16. júní á Meltdown festivalinu með tónleikum í Royal Festival Hall í London þar sem hljómsveitin kemur fram ásamt The London Contemporary Orchestra.
“Blóðberg” er fyrsta smáskífan af væntanlegri plötu Sigur Rósar sem kemur út 16. júní. Hljóðheimur lagsins er tilþrifamikill og áferðarfagur þar sem strengjasveit fléttast saman við sjö mínútna tónsmíð þríeykisins. Laginu fylgir myndband eftir Johan Renck en hann leikstýrði HBO þáttaseríunni Chernobyl og tónlistarmyndböndum fyrir Madonnu, Robyn og Beyoncé. Renck segir sjálfur um myndbandið: „Ég hef níhilíska sýn á framtíðina. Við erum algjörlega vanmáttug gagnvart okkar eigin heimsku. Sumar hliðar þessara sjónarmiða fléttuðust saman við upplifun mína á þemum Blóðbergs. Tónlistin varð að undirleik minna eigin vesælu hugsana, en litaði þær fegurð eins og tónlistinni einni er máttur til“.
The London Contemporary Orchestra spilar inn á lagið undir stjórn Robert Ames. Það er hljóðblandað af Paul Corley en hann kom einnig að upptökustjórn. LCO og Ames koma fram með Sigur Rós á tónleikunum 16. júní sem og Evrópu hluta tónleikaferðalagsins. Í Norður-Ameríku spilar The Wordless Music Orchestra undir stjórn Ames með hljómsveitinni.
Sigur Rós Tónleikadagsetningar
6/16 London, UK — Royal Festival Hall – UPPSELT
6/17 Amsterdam, Netherlands — Concertgebouw – UPPSELT
6/18 Hamburg, Germany — Elbphilharmonie – UPPSELT
7/3 Paris, France — Philharmonie Main Hall – UPPSELT
8/14 Toronto, ON — Roy Thomson Hall – UPPSELT
8/16 New York City, NY — Beacon Theatre – UPPSELT
8/18 Brooklyn, NY — Kings Theatre – UPPSELT
8/19 Boston, MA — Wang Theatre – UPPSELT
8/21 Minneapolis, MN — State Theatre – UPPSELT
8/24 Seattle, WA — The Paramount Theatre – UPPSELT
8/26 Berkeley, CA — The Greek Theatre at UC Berkeley – UPPSELT
8/27 Los Angeles, CA — The Greek Theatre – UPPSELT
SIGUR RÓS
INSTAGRAM / TWITTER / FACEBOOK / WEBSITE