Sjálfstæðisflokkurinn hefur löngum barist fyrir heiðarleika í stjórnsýslu og ríkisrekstri. Þetta er þó reyndar meira í orði ef litið er til ráðningar Söru Lindar Guðbergsdóttur sem forstjóra Ríkiskaupa þegar staðan losnaði skyndilega. Í fyrstu var sagt að Sara Lind væri ráðin til bráðabirgða og staðan síðan auglýst. Guðrún Ögmundsdóttir, skrifstofustjóri Fjármálaráðuneytisins, lýsti því afdráttarlaust yfir við Mannlíf í júní s.l. að staðan yrði auglýst og ráðið í hana 1. ágúst. Nú er komið á daginn að Guðrún sagði ósatt. Ekkert hefur gerst og engin auglýsing birt. Sara situr enn sem fastast á jötunni í boði Bjarna Benediktssonar fjármálaráðherra. Nýjustu tíðindi af málinu eru þau að hún var ráðin til áramóta af óljósum ástæðum.
Sara er eiginkona siðfræðingsins Stefáns E. Stefánssonar sem er innmúraður Sjálfstæðismaður og starfar á Mogganum þar sem merki Söru sem rekstramanns hefur verið haldið nokkuð á lofti. Hann var á sínum tíma formaður VR og réði þá konu sína til starfa þar. Starfsferill Söru endaði með þeim ósköpum að Stefán var felldur sem formaður og henni sagt upp störfum. Hún fór í mál við félagið og tapaði því …