Þingmaður Pírata, Gísli Rafn Ólafsson, og átján aðrir þingmenn allra flokka nema Framsóknarflokks og Miðflokks, hafa lagt fram tillögu á Alþingi um að forsætisráðherra, Katrínu Jakobsdóttur úr VG, verði falið að skipa nefnd til að rannsaka starfsemi vinnuhælisins að Kleppjárnsreykjum á árunum 1942 til 1943.
Kemur þetta fram í frétt RÚV.
Nú er komið í ljós að tugir stúlkna voru leiddar fyrir dóm vegna samskipta þeirra við breska og bandaríska hermenn, eftir að ungmennaeftirliti var komið á laggirnar innan lögreglunnar hér álandi árið 1942.
Í allt sættu fjórtán stúlkur vistun á vinnuhælinu á Kleppjárnsreykjum í Borgarfirði; hafa komið fram vísbendingar um að þær hafi sætt afar slæmri meðferð á hælinu.
Vilja flutningsmenn frumvarpsins leggja höfuðáherlu á að rannsakaðar verði aðgerðir yfirvalda til að sporna við samskiptum íslenskra kvenna við erlenda hermenn, breska og bandaríska, í kjölfar hernámsins árið 1940, en þá stigu Bretar hér á land og ekki löngu síðar Bandaríkjamenn, sem voru síðan með herlið á Íslandi framyfir síðustu aldamót.
Flutningsmenn frumvarpsins segja að það verði að kanna mjög ítarlega, og í raun fá úr því skorið í eitt skipti fyrir öll, hvort mannréttindabrot hafi verið framin af hálfu íslenskra yfirvalda.