Heilsuráðgjafinn Guðrún Bergmann skrifar um það á vefsíðu sinni hvernig hörðum aðgerðum sé beitt við að bólusetja sem flesta í Ísrael. Þar segir hún líka að forsætisráðherra landsins hafi gert samning við Pfizer um að gera mætti tilraunir með bóluefnið á þjóð hans og segir hún að það hafi einnig átt að gera á Íslandi.
Guðrún segir að í Ísrael sé komin aðskilnaðarstefna sem veiti þeim sem hafi verið bólusettir fríðindi og frelsi, en útiloki hina.
Guðrún vitnar í 31 ástæðu fyrir því að rabbíninn Chananya Weissman vilji ekki láta bólusetja sig og segir hún margt á lista hans vera gerast hér á Íslandi og því geti allt eins verið að stjórnvöld hér á landi séu að íhuga slíka aðskilnaðarstefnu.
Guðrún segir því mikilvægt að kynna sér hvað liggi að baki henni til að geta spyrnt við fótum og listar því næst ástæður Weissman.
Hér að neðan má lesa nokkrar þeirra:
1. Þetta er ekki bóluefni. Bóluefni, samkvæmt skilgreiningu, veitir ónæmi gegn sjúkdómum. Þetta veitir ekki ónæmi gegn neinu. Í besta falli dregur það úr hættu á alvarlegum veikindum ef þú smitast. Þess vegna er þetta lyfjameðferð, ekki bóluefni. Ég hef ekki áhuga á lyfjameðferð við veikindum sem ég þjáist ekki af.
2. Lyfjafyrirtækin, stjórnmálamenn, heilbrigðiskerfið og fjölmiðlar hafa sameinast um það um allan heim að kalla þetta bóluefni, þegar það er það ekki – í þeim ásetningi að beita fólk brögðum til að því finnist öruggt að undirgangast lyfjameðferðina. Þar sem þeir eru fláráðir, treysti ég þeim ekki og hef engan áhuga á lyfjameðferð þeirra.
12. KERFIÐ hefur verið algerlega einhliða í því að fagna þessari meðferð. Stjórnmálamenn og fjölmiðlar hvetja fólk til að þiggja hana, bæði af siðferðislegri og borgaralegri skyldu. Ávinningurinn af meðferðinni er mjög ýktur, horft er fram hjá áhættunni og öllu hinu óþekkta ýtt til hliðar. Þar sem þessir aðilar eru bæði fláráðir og stjórnsamir, mun ég ekki leggja persónulega heilsu mína undir ráðvendni þeirra.
13. Það er gífurleg áróðursherferð í gangi til að fá fólk til að þiggja þessa meðferð. Stjórnmálamenn og frægt fólk tekur „selfies“ af sér þegar verið er að sprauta þau (kannski eru þau í sumum tilvikum bara að þykjast vera sprautuð), fjölmiðlarnir magna þetta upp sem svalasta, flottasta og skemmtilegasta hlut sem hægt er að gera. Þetta er útbreiddasta markaðsherferð í sögunni. Slíkt er alls ekki viðeigandi fyrir lyfjameðferð, hvað þá algerlega nýja meðferð og það fyllir mig hryllingi.
16. Þetta er stærsta lyfjatilraun í sögu mannkyns.
23. KERFIÐ hefur fengið til liðs við sig lækna, rabbína, fjölmiðla og almenning, til að úthúða og hella sér yfir þá sem ekki vilja láta sprauta sig með þessu nýja lyfi… Þeir segja að ef við samþykkjum ekki að láta sprauta okkur, verði okkur þröngvað til að halda okkur innan veggja heimilisins það sem eftir er og að okkur verði úthýst úr samfélaginu.
26. Staðreyndin er sú að hryllingssögurnar vegna þessa undralyfs streyma þegar inn, en stjórnmálamenn hafa engar áhyggjur af slíku, heilbrigðisKERFIÐ ýtir þeim til hliðar sem ótengdum og smávægilegum, fjölmiðlarnir minnast ekki á þær, lyfjafyrirtækin halda áfram á fullri ferð og þeir sem halda uppi rauðum fána viðvörunar eru áfram lagðir í einelti, ritskoðaðir og þeim refsað. Af þessu er ljóst að velferð mín er þeim ekki efst í huga. Ég ætla ekki að vera næsta tilraunadýr í tilraunastofu þeirra. Ég hef ekki áhuga á að verða næsta „tilfelli“.
30. Ég sé allar lygarnar, spillinguna, áróðurinn, baktjaldamakkið, ritskoðunina, eineltið, brotin á heilbrigðissiðfræði, skort á heilindum í vísindaferlinu, niðurbælingu óþægilegra aukaverkana, frávísun lögmætra áhyggjuefna, múgæsinginn, sértrúarhegðunina, fáfræðina, þröngsýnina, óttann, læknisfræðilegu og stjórnmálalegu harðstjórnina, leynilega samninga og stefnumál,
31. Það er skítalykt af þessu öllu saman.