Trommarinn og YouTube stjarnan El Estepario Siberiano gerir sér það að leik í nokkrum myndböndum sínum að spila tæknilega flókin lög á trommur en bara með einni hendi. Á meðan hann trommar lögin notar hann hina hendina t.d. í að reykja, drekka eða horfa ástleitnum augum á púða.
Þegar myndböndin dúkkuðu fyrst upp munu gárungar hafa gert því skóna að hann hafi „svindlað“ með því að hraða myndböndunum en svar hans við því var einfalt; hann tók upp myndbandið hér að neðan þar sem hann leikur með einni hendi og heldur á taktmæli í hinni.
Fjölmargir hafa birt myndbönd af sér að bregðast við því þegar þau upplifa myndböndin í fyrsta sinn, enda er þetta ansi magnað að sjá.
El Estepario Siberiano heitir í raun Jorge Garrido og er frá Valencia á Spáni. Hann lék síðast með Spænsku þungarokkshljómsveitinni Saratoga en ákvað að hætta í ár, m.a. til að einbeita sér YouTube frægðinni en kappinn er með rúmar 2 milljónir fylgjenda.