„Við höfum undanfarið séð töluvert af Íslendingum hverfa frá okkur yfir til hins opinbera,“ sagði Jóhannes Þór Skúlason, framkvæmdastjóri Samtaka ferðaþjónustunnar, í samtali við Fréttablaðið. Jóhannes gerir jafnframt ráð fyrir því að útlendingar muni sinna þriðja hverju starfi í ferðaþjónustu í sumar.
Áætlað er að 23 til 25 þúsund manns muni starfa innan greinarinnar í sumar en í sumum landshutum verði hlutfall erlendra starfsmanna allt að 80 prósent. Hluti þeirra er búsettur hér allt árið en stór hluti sé farandverkamenn sem koma yfir sumarvertíðina. „Ef við horfum á starfsfólk í lobbíum verðum við líka að muna að það finnast dæmi um að Íslendingar viti ekkert meira um staðhætti en útlendingar,“sagði Jóhannes. Fréttablaðið fjallaði um málið í dag.