Sósíalistaforinginn Gunnar Smári Egilsson segir áfengisverslun vera sala á „dópi til sjúklinga“ og spyr hvers vegna þurfi alltaf að vera „einn asni í hverri umræðu“ og þá yfirleitt frá Valhöll.
„Æ, góður guð, ekki á að bjóða okkur enn og aftur upp á umræðu um tengsl aðgengis og neyslu á áfengi og tengsl neyslu og sjúkdóma, slysa og dauða, þar sem annars vegar eru fræða- og vísindafólk sem vísar í rannsóknir, söguna og reynsluna en hins vegar Sjálfstæðisflokksfólk sem flaggar brjóstviti sínu og kröfum kaupmannastéttarinnar um að fá að græða á áfengissjúklingum.“ Svona byrjar færsla Gunnars Smára um enn eina umræðuna um áfengi og aðgengi. Og hann heldur áfram: „Afhverju þarf alltaf að vera einn asni í hverri umræðu? Og afhverju er hann oftast út Valhöll?“
Þá kemur hann með prósentureikning á því hverjir kaupa mest áfengi í áfengisverslunum og segir hófdrykkjufólk vera það mikið aukaatriði í því samhengi, að það mælist varla. „Áfengisverslun er fyrst og fremst sala á dópi til sjúklinga og fólks sem skaðast af neyslunni.“ Færsluna má lesa alla hér fyrir neðan: