Ragna Björg Guðbrandsdóttir, teymisstjóri Bjarkarhlíðar, miðstöðvar fyrir fullorðna þolendur ofbeldis, segir sífellt fleiri þolendur ofbeldis í nánum samböndum leita sér aðstoðar, sérstaklega hafi það færst í vöxt að karlmenn leiti til miðstöðvarinnar.
Í forsíðuviðtali við Mannlíf ræðir hún um starf Bjarkarhlíðar, þolendurna sem þangað leita og hversu algengt heimilisofbeldi er á Íslandi.
„Það er mjög mikið af kynferðislegu ofbeldi innan náinna ofbeldissambanda þar sem farið er yfir kynferðisleg mörk þolandans. Oft er líka verið að byrla fólki lyf inni í samböndum til að misnota það kynferðislega. Og síðan er það oft tekið lengra og konur þvingaðar til kynlífs með öðru fólki gegn vilja sínum.“
Heimilisofbeldi alltaf andlegt í eðli sínu
Spurð hvort það ofbeldi sem fólk leitar sér hjálpar til að takast á við sé að mestum hluta líkamlegt segir Ragna allan gang á því.
„Heimilisofbeldi er alltaf andlegt ofbeldi í eðli sínu, myndi ég segja,“ segir hún. „Í mörgum tilfellum bætist síðan við líkamlegt, kynferðislegt eða fjárhagslegt ofbeldi. Það er mjög mikið af kynferðislegu ofbeldi innan náinna ofbeldissambanda þar sem farið er yfir kynferðisleg mörk þolandans. Oft er líka verið að byrla fólki lyf í samböndum til að misnota það kynferðislega. Og síðan er það oft tekið lengra og konur þvingaðar til kynlífs með öðru fólki gegn vilja sínum.“
Lesa má viðtalið í heild sinni hér.