Lögreglan brá skjótt við þegar tilkynnt var um búðaþjófnað í Reykjavík og brunaði á vettvang. Viðskiptavinur var grunaður um að hafa stolið tveimur pökkum af Mentos. Hann lagði á flótta á harðahlaupum með meint þýfi en var eltur uppi af starfsmanni verslunarinnar. Á endanum kom þó í ljós að vinur hins meinta þjófs hafði greitt fyrir Mentos-pakkana og lauk málinu þannig farsællega og án eftirmála.
Drukknir einstaklingar settu lirt sinn á nóttina. Lögreglan á höfuðborgarsvæðinu sinnti nokkrum útköllum í gær vegna ofurölvi einstaklinga. Einn lá meðvitundarlítill í runna, annar svaf ölvunarsvefni í óviðkomandi íbúð og sá þriðji dormaði utandyra. Lögreglan hlúði að þeim öllum og veitti þeim aðstoð.
Viðskiptavinur í Smáralind lenti í vanda þegar hann fann ekki bifreið sína. Lögregla var beðin um aðstoð vegna þessa. Bifreiðin kom síðar í leitirnar og var aðstoðin afturkölluð.
Talsvert var um dularfull mál sem ekki félkkst botn í. Tilkynnt var um glæfraakstur þriggja bifreiða en þær fundust ekki þrátt fyrir eftirgrennslan. Tilkynningar bárust einnig um grunsamlegar mannaferðir og mögulega fíkniefnasölu en umræddir aðilar fundust ekki.