2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Daniel Radcliffe: „Harry Potter gerði mig að alkóhólista“

Daniel Radcliffe kennir hlutverki sínu sem Harry Potter í kvikmyndunum sem byggðu á bókunum um það að hann hafi orðið alkóhólisti.

Leikarinn lét þessi orð falla í nýjasta þætti af Desert Island Discs hjá einni útvarpsstöð BBC, Radio 4. Sagði hann í samtali við Lauren Laverne, stjórnanda þáttarins, að hann hefði fljótt áttað sig á því að það þætti fréttnæmt ef hann færi á barinn og yrði drukkinn. „Það var ekki bara einhver gaur á fylleríi. Það var: ‘Ó, Harry Potter er fullur á barnum’“

Radcliffe bætti því við að auk þess að vekja óeðlilegan áhuga fólks hefði mörgum þótt það fyndið og hann hefði brugðist við því með því að drekka enn meira. Það tímabil hafi staðið yfir í nokkur ár, bæði meðan unnið var við að taka upp síðustu myndirnar um galdrastrákinn og í nokkur ár eftir að tökum á þeim lauk og undir lokin hafi hann einnig drukkið vegna kvíða fyrir framtíðinni og óöryggis um það hver hann væri í raun og veru.

Radcliffe, sem hefur verið edrú síðan 2010, þakkaði fjölskyldu sinni og vinum sínum sem unnu með honum að Harry Potter myndunum fyrir að hafa hjálpað sér til að sjá líf sitt í réttu ljósi og haldast þannig edrú.

Lestu meira

Annað áhugavert efni

Nýjast á Mannlíf.is