- Auglýsing -
Steve Harwell, söngvari Smash Mouth, er við dauðans dyr.
TMZ greinir frá því að Steve Harwell, söngvari Smash Mouth, sé aðeins nokkrum dögum frá því að falla frá. Þetta hefur miðillinn eftir umboðsmanni Smash Mouth. Söngvarinn hefur glímt við áfengisfíkn mest allt ævina og er núna að glíma við lífshættulega lifrarbilun og er hún komin á þann stað að talið er að hann eigi aðeins nokkra daga eftir ólifaða. Fjölskylda og vinir hans hafa undanfarna daga hitt og kvatt söngvarann. Hann er 56 ára gamall.
Smash Mouth er ein af vinsælustu hljómsveitum 21. aldarinnar og eru þekkastir fyrir lögin All Star, I’m A Believer og Walking on the Sun.
Uppfært: 15:46 – Umboðsmaður sveitarinnar hefur greint frá því að Steve Harwell sé látinn.