Hildur Eir Bolladóttir, sóknarprestur í Akureyrarkirkju, segir fermingarfræðslu vera stóran hluta af þeim tímamótum sem felast í því að fermast. Að hennar mati er mikilvægt að nota fræðsluna til að
brýna fyrir fermingarbörnum að virða og elska sjálfan sig.
„Ég er mikið að tala um sjálfsmynd þeirra í fermingafræðslunni, hjálpa þeim að finna styrkleika sína og segja þeim hvað Guði elski þau mikið með því að vísa í sögur Jesú frá Nasaret,“ segir Hildur Eir og bætir við að megininntak fermingarfræðslunnar eigi að vera forvörn gegn kvíða, sjálfshatri og samanburðarmenningu vegna þess að krakkarnir séu einmitt á þeim aldri þar sem maður finni sér allt til foráttu. „Þar kemur Jesús sterkur inn með allar sínar dæmisögur.“
Spurð hver sé algengasta spurningin sem hún fái í fermingarfræðslunni segir Hildur krakkana oft vilja vita hvernig trú hennar sjálfrar sé. Hvort hún trúi bókstaflega öllu sem standi í Biblíunni.
„Þá svara ég að bókstafstrú sé í besta falli ógagnleg og versta falli hættuleg. Við tölum til dæmis um kraftaverkin sem Jesús framkvæmdi og skoðum bakgrunn aðstæðna. Var Jesús raunverulega að gefa Bartimeus sjón eða var hann að gefa honum innri sýn og trú á sjálfan sig svo hann væri ekki blindur á eigin möguleika og getu. Svona skoðum við sögurnar og lærum af þeim.“
Finnst þér krakkar hugsa öðruvísi í dag en áður fyrr. Liggur þeim eitthvað annað á hjarta?
„Ég hugsa að þau séu á margan hátt tilbúnari til að tala um tilfinningar sínar og andlega líðan vegna þess einfaldlega að samfélagið hefur opnað á þann möguleika með margvíslegum hætti. Það er kannski svona helsta breytingin sem ég sé.“
Áttu eitthvert eitt gott ráð handa fermingarbörnum í lokin – og kannski foreldrum þeirra líka?
„Já að elska Guð og náungann eins og sjálfan sig. Ást er ástundun en ekki markmið.“
Jóel Sæmundsson leikari segir fermingardaginn sinn vera eftirminnilegan fyrir ýmsar sakir. Til dæmis gleymi hann seint athöfninni í kirkjunni.
„Ég týndi sálmabókinni minni,“ segir hann. „Þetta var merkt sálmabók og ég týndi bæði henni og öllum skeytun-um, móður minni til mikillar gleði.“ Þetta hafi ekki verið ábæt-andi ofan á stressið því hann hafi ekki þekkt hina krakkana sem voru að fermast og verið sá eini í hópnum sem þurfti að fara með vers, sem var ferlega pínlegt þar sem hann var í rosalegum mútum.
Veislan eftir á hafi þó toppað allt en hún var haldin í húsakynnum Sálarrannsóknarfélagsins.
„Við fjölskyldan bjuggum á Þórshöfn en ákváðum að halda ferming-una í Reykjavík þar sem ættin bjó meira og minna öll á höfuðborgarsvæðinu og þetta var eini salurinn sem var laus,“ útskýrir hann og kveðst aldrei gleyma árumyndunum og kristölunum, sem héngu þar niður úr loftinu. „Þetta var algjört bíó!“
Að öðru leyti hafi dagurinn gengið vel fyrir sig og sveitastrákurinn fengið flottar fermingargjafir.
„Ég fékk m.a. pening, útilegubúnað og úr frá ömmu sem mér þykir mjög vænt um. Svo gáfu mamma og -pabbi mér fyrstu ferðina í körfuboltabúðir í Bandaríkjunum þaðan sem ég á afskaplega góðar minningar.“
Hvaða ráð viltu gefa krökkum sem eru að fara að fermast?
„Passið ykkur að kaupa ekki fermingarföt sem eru í tísku akkúrat núna. Þau gætu orðið til þess að ljósmyndirnar af ykkur verða hallærislegar seinna meir. Setjið svo peningagjafir inn á læsta bankabók. Ég veit að það hljómar leiðinlega en það margborgar sig því þegar þið verðið eldri þá gætuð þið til dæmis átt útborgun í fyrstu íbúðina.“
Skemmti með búktali
Steindór Grétar Jónsson, blaðamaður og sviðslistamaður, fermdist í Neskirkju árið 1999 og segir veisluna, sem var haldin í Garðabænum heima hjá ömmu hans og afa, eitt það minnistæðasta við daginn.
„Aðallega af því ég píndi Finn vin minn til að vera með atriði. Hann var ágætur búktalari og mér fannst ekki annað hægt en að gestirnir nytu góðs af. Þannig að ég neyddi hann til að sýna og nota mig sem brúðu,“ minnist hann hlæjandi og bætir við að Finnur hafi gefist upp á draumnum um að verða búk-talari eftir þetta.
Spurður hvað hann hafi fengið í fermingargjöf segir Steindór foreldrana hafa gefið sér fjölskylduferð til Flórída um sumarið og PlayStation-leikjatölvu.
„Annars voru krakkarnir að metast um hver hafi fengið mestan pening og -örugglega einhverjir sem lugu til að hljóma meira töff,“ segir hann kíminn. Ein gjöf hafi þó staðið upp úr en það hafi verið Jeremy Klein Birdhouse-hjólabretti með mynd af lifandi pylsu, sem hann fékk frá ömmu sinni og afa.
„Sú gjöf breytti lífi mínu því næstu ár var ég skeitari, sem hafði áhrif á heimsmynd mína.“
Var eitthvað við daginn sem kom á óvart?
„Nei, ekki nema hvað oblátan var bragðlaus. Vona að þær hafi breyst á 19 árum, það hlýtur að vera búið að piparhúða þær.“
Áttu einhver góð heilræði handa krökkum sem eru að fara að fermast núna?
„Nei, en ef þau eiga einhver heilræði handa mér þá væru þau vel þegin. Ég veit ekkert hvað ég er að gera.“
Eins og að giftast einn
Fjölmiðlakonan Júlía Margrét Alex-andersdóttir fermdist á köldu vori í Árbæjarkirkju og segist muna eftir athöfninni eins og hún hafi gerst í gær.
„Ég man eftir því að við fermingarsystkinin biðum spennt eftir því hvort einhver myndi gleyma versinu sínu. Svo skoðuðum við hvert annað í krók og kring, í hverju bekkjarsysturnar og -bræðurnir voru, hverjir höfðu fengið að klína á sig andlitsmálningu og gera eitthvað fríkað við hárið á sér. Hverjir höfðu fengið að sleppa því að vera í hvítum fötum og voru jafnvel útbúnir eins og þeir væru að fara á ball í Árseli – þá öfundaði maður,“ rifjar hún upp og hlær.
Sjálf klæddist hún hvítri dragt, jakka með léttum axlapúðum og hné–síðum stuttbuxum. „Stuttbuxur voru þá í tísku en á mínu heimili þótti það um of og hnésíðar var millivegurinn. Um morguninn fór ég svo í hátíðlega greiðslu á stofu. Þegar ég skoða myndir af mér eftir á og öðrum fermingarbörnum eru mörg okkar í þessum drögtum búin út eins og við séum að fara að sitja í stjórn fyrirtækja en ekki að fermast.“
Eftir athöfnina var veisla haldin í sal fyrir ofan Hreyfil á Grensásvegi þangað sem ættingjum og vinum Júlíu var boðið.
„Veislan sjálf þar sem athyglin fór af meira en 30 fermingarbörnum á mig eina var hálfgert sjokk. Eins og að giftast einn því í brúðkaupi er þó allavega brúðgumi sem tekur athyglina með þér. Þarna á maður að skera kökuna einn og tala eitthvað. Ég held ég hafi meira að segja spilað á fiðlu. Ég fílaði nú ekki að vera svona miðdepill og minnir að ég hafi verið fegin í lok dags.“
Júlía segir að þessum tíma hafi verið hneykslast talsvert á börnum sem fengu sjónvörp og vídeótæki í fermingargjöf. Í dag sé enn verið að hneykslast á því þegar börn fá ofurdýrar fermingar gjafir en hún telur að umræðan sé nokkurn veginn alltaf sú sama.
„Kannski var umstangið í kringum fermingarbörnin útlitslega minna þá,“ segir hún hugsi. „En ég er ekki svo viss. Að minnsta kosti fór enginn sem ég man eftir í nagla- og fótsnyrtingu fyrir fermingu en vissulega þegar maður rifjar þetta upp þá voru sumar stelpur sendar í ljós áður, fóru kannski í gegnum heilt 10 tíma kort á mánuði fyrir fermingardaginn.“
Spurð hvort hún eigi heilræði handa tilvonandi fermingarbörnum svarar hún.
„Þið eruð svo heppin að það er til Facebook svo mitt heilræði er: Kynnið ykkur hverjum er boðið í veisluna, lærið nöfn ömmusystra og -afa og lærið að tengja nöfnin við andlit þeirra af myndum ef þetta eru ættingjar sem þið hittið aðeins við svona tilefni. Það er gaman að geta þakkað fyrir sig og vitað við hvern maður talar.“
Leikkonan Angelina Jolie er byrjuð að deita eldri mann sem er ekki frægur, samkvæmt heimildum Entertainment Tonight. Angelina skildi við leikarann Brad Pitt í september árið 2016, og skók skilnaðurinn heimsbyggðina.
„Brad og Angie eru bæði mjög dul um ástarlíf sitt. Angie hefur sagt nokkrum vinum sínum að hún sé ekki tilbúin í samband en að hún sé byrjuð að hitta myndarlegan, eldri mann sem er fasteignasali,” segir heimildarmaður Entertainment Tonight og bætir við:
„Hann er ekki frægur eða þekktur á neinn hátt.”
Heimildarmaðurinn segir einnig að Angelina hafi átt erfitt eftir skilnaðinn við Brad og að það hafi hjálpað henni að eyða tíma með fasteignasalanum.
Brad virðist líka vera að deita, ef marka má frétt Entertainment Tonight. Hann er ekki heldur hrifinn af því að kynnast konum í sviðsljósinu.
„Konurnar sem hann fer á stefnumót með eru ekki frægar,” segir heimildarmaðurinn.
Umhverfisvæni fataframleiðandinn Everlane setti á markað nýja undirfatalínu á mánudag, en línan er mjög minimalísk og eru þægindi sett í fyrirrúm.
Nú þegar eru tæplega þrjátíu þúsund konur á biðlista fyrir þessi nærföt og búist er við því að listinn muni aðeins lengjast næstu daga. Hægt er að fá toppa, brjóstahaldara og nærbuxur í línunni og er ekkert í henni dýrara en þrjátíu dollarar, eða tæplega þrjú þúsund krónur.
Þægindi ofar öllu.
Nærfatalínan er búin að vera í þróun í tvö ár og þegar hún kom á markað birti Everlane orðsendingu á Instagram þar sem farið var yfir hugmyndinafræðina á bak við fötin.
„Undirföt ættu að vera gerð fyrir þig. En áratugum saman hafa þau verið hönnuð með einhvern annan í huga,” segir í orðsendingunni, og í kjölfarið er farið yfir allt sem er óþægilegt við flest undirföt í dag.
„Iðnaðurinn hefur grætt milljarða á að segja konum að þær þurfi að líta út eins og eitthvað sem þær eru ekki til að vera kynþokkafullar. En tímarnir breytast og undirfötin ættu að gera það líka.”
Í orðsendingunni segir einnig að fjörutíu prufur hafi verið gerðar af undirfötunum áður en framleiðendur voru sáttir, en öll fötin í línunni eru úr bómul sem fer vel með húðina og klæðir allar líkamsgerðir.
Klæðir alla.
Í auglýsingum fyrir línuna eru konur af öllum stærðum og gerðum í aðalhlutverki, þar á meðal leikkonan Jemima Kirke sem hefur barist mikið fyrir bættri líkamsvitund og -ímynd.
Hjónin Freyr Alexandersson, landsliðsþjálfari kvenna í knattspyrnu, og Erla Súsanna Þórisdóttir eru búin að setja einbýlishúsið sitt í Keilufelli í Breiðholti á sölu. Ásett verð eru 64,9 milljónir en eignin er skráð 175,6 fermetrar.
Glæsilegt hús í fallegu hverfi.
Koma þessar fregnir í kjölfar þess að hjónin tilkynntu á samfélagsmiðlum að þau ættu von á barni, en Erla er gengin rétt rúmlega tuttugu vikur. Fyrir eiga þau Freyr tvær dætur, en hjónin hafa verið saman síðan þau voru táningar.
Erla og Freyr á brúðkaupsdaginn.
Eins og sést er heimili þeirra í Keilufelli afar glæsilegt, en þau hafa búið þar um árabil. Þau eiga sterkar rætur í Fellahverfinu og gengu bæði í Fellaskóla.
Björt og falleg stofa.
Húsið er afar rúmgott og því fylgir veðursæll pallur sem býður upp á skemmtileg grillpartí þegar sólin lætur sjá sig á ný.
Stílhreint..Kósí svefnherbergi.Hlýlegt barnaherbergi.Hér er hægt að sitja og spjalla dægrin löng.Stórt og gott eldhús.Skemmtilegt rými.
Ný lína af fallegum púðum – glóðvolgir
beint úr flugi
Það er alltaf gaman að breyta umhverfinu með litlum tilkostnaði, til dæmis með púðum og ábreiðum. Hægt er að breyta rýminu með því að setja fallega púða í rúmið eða sófann og hafa ábreiðu í stíl. Við hjá VOGUE FYRIR HEIMILIÐ vorum einmitt að taka inn nýjar vörur frá Claudi sem er hollensk gæðahönnun.
Vinsælu Starlux-gæðadýnurnar fyrir fermingarbarnið
Hjá VOGUE FYRIR HEIMILIÐ er gríðalega mikið úrval af rúmum og rúmdýnum. Fyrir fermingarnar eru Starlux-gæðadýnur vinsælastar en þær eru hannaðar af fagfólki okkar og framleiddar erlendis. Þær eru með tvo stífleika, mjúkan og stífan, og því er hægt að snúa þeim við. Hver dýna er með sérstyrktum kanti, þannig að þegar unglingarnir sitja í rúminu heldur hún sínu lagi.
Svefnstóllinn Loki
Svefnstóllinn Loki er hönnun frá Snæland en hann nýtur gríðarlegrar vinsældar bæði í unglingaherbergið og sem aukasvefnstæði hjá ömmum og öfum. Hægt er að velja áklæði úr fjölmörgum litum og hægt að fá hann í nokkrum breiddum.
Antíkbleikt og dökkgrár eru móðins
í dag – Flott í unglingaherbergið
Antíkbleiki liturinn er mjög vinsæll og kemur mjög vel út með
dökkgráa litnum.
Fjölbreyttir fylgihlutir og
litagleðin í fyrirrúmi
Einnig eru fáanlegir fallegir fylgihlutir, má þar meðal annars nefna skápúðana sem eru frábærir til að hafa þegar unglingurinn er að lesa eða er í tölvunni. Það getur verið gaman að velja áklæði í stíl fyrir dívaninn og höfðagaflinn. Einnig er hægt að velja hrúgald sem er hægt poppa upp með í skemmtilegum gulum lit eins og sjá má á myndinni. Þessi grái litur á rúminu er mjög vinsæll hjá ungu kynslóðinni. Tauið nýtur sífellt meiri vinsælda þegar valið er rúm.
Hluti af því að líða vel á vinnustað er að skapa notalegt umhverfi og nýverið tóku nokkrir starfsmenn sig til og fríkkuðu upp á betri stofu útgáfufélagsins Birtíngs með nýjum og fallegum málningarlit.
Ferðinni var fyrst heitið í byggingavöruverslunina BYKO þar sem hugmyndin að litnum spratt fram. Halldór Rúnarsson, dreifingarstjóri Birtíngs sá að þessu sinni um málningarvinnuna og segir hann mikilvægt að leita ráða hjá fagaðillum.
„Við vissum ekkert hvernig við ætluðum að gera þetta en fengum ómetanlega aðstoð meðal starfsmanna BYKO. Þeir hjálpuðu okkur að velja málningarúllur og stækkanlegt málningarskaft sem hentaði vel upp á þá lofthæð sem við vorum að vinna með. Við keyptum 25 cm málningarrúllu sem hentar öllum gerðum innimálningar en liturinn sem við völdum er úr vatnsþynnanlegri mattri akrílmálningu og eins og kemur fram á heimasíðu BYKO gefur liturinn djúpa litaáferð án endurspeglunar, svo það glampar ekki á veggina þó sólin skíni á þá.”
Halldór að störfum.
Það er óhætt að segja að undirbúningurinn skipti lykilatriði þegar kemur að málningarvinnu og tekur Halldór heilshugar undir það.
„Undirbúningsvinnan er tímafrekust þegar kemur að svona framkvæmdum en margir vilja kantskera allan vegginn áður en þeir hefjast handa við að rúlla málningunni á. Fyrir utan það er gott að teipa í kringum hurðir og ljósrofa og spasla auðvitað í allar ójöfnur og naglaför ef þess þarf. Ef vandað er til verka í þessu ferli er eftirvinnan auðveld og ég get staðfest að maður þarf ekkert að vera neitt ofboðslega flinkur málari ef undirbúningurinn er gerður rétt.
Mikilvægt er að hræra í málningunni.
Mikilvægt er að byrja á því að hræra málninguna vel saman í fötunni en góður málningarbakki skiptir gríðarlegu máli. Eftir það er ekki eftir neinu að bíða heldur hefjast handa við að rúlla málningunni á vegginn en fjöldi umferða er smekksatriði. Liturinn sem við völdum þekur einstaklega vel og því fórum við einungis eina umferð á veggina. Þetta er einstaklega fallegur litur sem nýtur sín sérlega vel í allri lýsingu hvort sem um er að ræða á kvöldin eða í dagsbirtu. Tegund málningarinnar nefnist Supermatt rom og er frá Gjøco en liturinn ber nafnið Daggarblár og var valin febrúarlitur mánaðarins að mati Húsa og Híbýla.
Skemmtilegur litur.
Eftir að hafa málað alla veggi og látið málninguna þorna vel tekur frágangurinn við, ganga frá og skúra gólf. Eftir það er verkinu lokið og herbergið tilbúið.”
NEW YORK - FEBRUARY 25: Overview of Oscar statues on display at "Meet the Oscars" at the Time Warner Center on February 25
Það er ekkert launungamál að kjólarnir sem frægustu konur heims klæðast á Óskarsverðlaunahátíðinni, sem og öðrum hátíðum, eru fokdýrir. Þekkt er að stjörnur fái kjóla lánaða frá hönnuðum á stóra daginn, en það er talin ein besta auglýsingin sem hönnuðir fá í bransanum.
Hins vegar vita kannski færri að hönnuðurinn ber ekki aðeins kostnað af gerð kjólanna, sem hleypur á mörgum milljónum, heldur þarf einnig að borga sendingarkostnað undir klæðnaðinn til að koma honum til fræga fólksins.
Hönnuðurinn Christian Siriano talaði um þennan falda kostnað í útvarpsviðtali á dögunum.
„Það kostar svo mikinn pening að sérhanna þessa kjóla og senda þá út um allan heim,” segir Christian og bætir við:
„Ég meina, það getur kostað tvö þúsund dollara (200 þúsund krónur) að senda stóran kassa frá New York til Los Angeles yfir nótt.”
Christian segir að hann og teymi hans hafi sent um hundrað kjóla í hraðsendingu frá New York til Los Angeles það sem af er ári og því má áætla að kostnaðurinn bara við sendingar sé kominn upp í fimmtíu þúsund dollara, eða tæpar fimm milljónir króna. Þess má geta að stjörnur eins og Whoopi Goldberg, Kelly Ripa og Janet Mock klæddust allar hönnun eftir Christian á Óskarsverðlaunahátíðinni í ár.
Þrátt fyrir þennan kostnað segir Christian að hann sé þess virði, þar sem oft sé eina leiðin til að fá svokallaðar A-lista stjörnur til að klæðast fötum sínum, sé að borga fyrir sendinguna.
„Flestir eiga ekki pening fyrir sendingarkostnaðinum,” segir Christian og bætir við að auglýsingin sé í raun meira virði en þessi gríðarlegu fjárútlát.
Leikkonan og fyrirsætan Emily Ratajkowski gekk að eiga kvikmyndaframleiðandann Sebastian Bear-McClard fyrir mánuði síðan og njóta þau nú lífsins í brúðkaupsferð.
Emily hefur verið dugleg að birta myndir úr ferðinni á Instagram, en athygli hefur vakið að Emily er nánast aldrei í fötum og ætlar greinilega að nýta hveitibrauðsdagana vel.
Þá hefur Emily einnig birt skemmtilega mynd á Instagram þar sem Sebastian sést bera sólarolíu á afturenda eiginkonu sinnar, og virðast þau bæði hafa gaman að.
Oft hefur því verið haldið fram að best sé að panta flugfargjöld eins langt fram í tímann og hægt er til að tryggja lægsta verðið. Ný greining hjá fyrirtækinu CheapAir kollvarpar hins vegar þessari kenningu.
Samkvæmt greiningu CheapAir er ódýrast að panta flug í Bandaríkjunum sjötíu dögum fyrir brottför. Ef ferðalangar ná ekki að bóka á þeim degi ættu þeir að panta flug 21 til 121 degi fyrirfram, sem er þá besti bókunarglugginn, ef svo má að orði komast.
Í vinnu sinni greindi fólkið hjá CheapAir 917 milljón flugfargjöld árið 2017 og fylgdust með verðinu allt frá 320 dögum í brottför og þar til degi fyrir flug. Með þessari vinnu náði það að reikna út hvenær fargjöld væru að meðaltali lægst, sem var eins og áður segir þegar sjötíu dagar voru í brottför. Niðurstöður ársins 2016 sýndu að ódýrast var að panta flug 54 dögum fyrir brottför og því breytist þetta frá ári til árs, og jafnvel á milli árstíða.
Greiningardeild CheapAir tekur fram í niðurstöðum sínum að sjötíu daga reglan sé að sjálfsögðu ekki algild og að verð á fargjöldum fari einnig eftir ferðinni sem bókuð er.
Fólkið sem stóð að greiningunni segir einnig að það sé flökkusaga að einn dagur vikunnar sé betri til að bóka en hinn, ef markmiðið er að spara nokkrar krónur. Oft hefur því verið haldið fram að ódýrast sé að bóka flug á þriðjudögum, en það ku ekki vera rétt. Greiningardeild CheapAir komst að því að aldrei væri meiri en 0,6% munur á verði á milli daga, og því varla greinanlegur. Hins vegar er ódýrast að fljúga á þriðjudögum og miðvikudögum, og er hægt að spara sér um sjö þúsund krónur allajafna með því að fljúga á miðvikudegi í staðinn fyrir sunnudegi.
Eva Michelsen er sjálfmenntuðköku- og konfektgerðarkona en kemur þó af bakaraættum. Kökubakstur og skreytingarhæfileikar hennar komu þó ekki í ljós fyrr en hún var löngu flutt að heiman en hún býr nú til sannkölluð sælkera-páskaegg sem notið hafa umtalsverða athygli.
„Ég veit nú ekki hvort eggin mín hafi einhver sérstök einkenni umfram önnur en ég reyni að breyta til og gera eitthvaðöðruvísi sem oftast. Það sem mér þykir skemmtilegt við páskaeggin er fyllingin því hún hefur svo mikil áhrif á súkkulaðið sjálft. Fyrir þá sem ekki vita, þá bragðast páskaegg aðeins öðruvísi þvíþau draga í sig lykt og bragð af því sem er inn íþeim. Alveg eins og konfekt bragðast áákveðinn hátt. Það máþó alls ekki gleyma málshættinum. Ég áþáófáa varðveitta hér og þar.
Ef fyllingin í egginu er ekki góð, er ég ekki jafn spennt fyrir restinni.
Eftir að lakkrís súkkulaði kom á markað hefur það veriðíþó nokkru uppáhaldi en annars er ég hlynntust gamla góða suðu súkkulaðinu. Það er svo hægt að borða innan úr egginu og brjóta rest út í eftirréttinn.
Það sem er líka skemmtilegt við að gera páskaegg og vinna með súkkulaði yfir höfuð er að valmöguleikarnir eru endalausir og alveg magnað hvað hægt er að gera með súkkulaði. Mér finnst ég alltaf vera læra eitthvað nýtt.”
Donald Trump, Bandaríkjaforseti, fær á baukinn í nýju atriði úr smiðju fólksins sem hefur fært okkur 29 seríur af teiknimyndaþáttunum The Simpsons.
Atriðið heitir A Tale of Two Trumps, eða saga um Trump-ana tvo, sem er vísan í skáldsöguna A Tale of Two Cities eftir Charles Dickens. Í atriðinu er Trump fastur í teiknimyndamartröð þar sem hann játar allar syndir sínar, meðal annars að hafa svikið undan skatti og haldið framhjá eiginkonum sínum.
„Þú hefur verið að láta eins og sjálfselskur siðblindingi og 64 til 67 prósent af fólki hatar þig,” segir Trump til dæmis við sig sjálfan þegar hann gerir sér grein fyrir kostum þess að koma hreint fram.
Þá er einnig sérstaklega sniðugt að sjá hvernig The Simpsons-liðar leika sér með hárgreiðslu Trumps, en atriðið má sjá hér fyrir neðan:
Paris Jackson, dóttir poppkonungsins sáluga Michael Jackson, sást kyssa ofurfyrirsætuna og Íslandsvininn Cöru Delevingne í Vestur-Hollywood í síðustu viku.
Paris og Cara voru á tvöföldu stefnumóti með guðföður Paris, leikaranum Macaulay Culkin og kærustu hans, Brendu Song.
Fréttavefurinn Us Magazine birtir myndir af stefnumótinu, þar sem Paris og Cara sjást kyssast innilega og faðmast. Myndirnar má sjá með því að smella hér.
Paris er nítján ára og Cara 25 ára, en þær kynntust á MTV-kvikmyndaverðlaunahátíðinni í fyrra. Þær hafa ekki opinberað samband sitt, né hefur Paris talað opinberlega um kynhneigð sína en poppdóttirin birti mynd af Cöru á Instagram í síðustu viku þar sem fyrirsætan sást standa uppi í rúmi. Paris skrifaði einfaldlega: a r t við myndina, eða l i s t.
Í meðfylgjandi myndbandi leiðir jógakennarinn Jess Taras okkur í gegnum þrjátíu mínútna kraftjógatíma sem reynir vel á bæði liðleika og styrk.
Mikil áhersla er lögð á að styrkja kvið, bak og rass í þessari æfingu, en einnig einblínir Jess á öndun, sem gerir það að verkum að þessi æfing losar um streitu.
Hægt er að gera æfinguna heima í stofu, en þeir sem þurfa að bæta liðleikann geta notað jógakubb, eða ígildi hans, ef þeir treysta sér ekki í vissar stellingar.
Það er fátt meira á milli tannanna á fólki í dag en viðtal við klámmyndastjörnuna Stormy Daniels, sem heitir réttu nafni Stephanie Clifford, í þættinum 60 Minutes, sem sýndur var í gærkvöldi vestan hafs. Stormy heldur því fram að hún hafi átt í sambandi við Donald Trump, Bandaríkjaforseta en hafi verið borgað fyrir að þegja um sambandið í aðdraganda forsetakosninganna árið 2016.
Stormy segist hafa stundað kynlíf með Donald eftir að þau kynntust á golfmóti árið 2006, stuttu eftir að eiginkona forsetans, Melania Trump, fæddi son þeirra Barron.
Michael Cohen, lögfræðingur Trumps, borgaði Stormy 130 þúsund dollara, tæplega þrettán milljónir króna, fyrir að þaga um sambandið fyrir forsetakosningarnar. Skrifaði Stormy undir samning þar sem hún hét því að tala ekki við neinn um sambandið. Nú stendur hún hins vegar í dómsmáli vegna þessa samnings vegna þess að hún heldur því fram að Trump hafi ekki skrifað undir hann. Enn fremur hefur hún boðist til þess að skila þessum tæpu þrettán milljónum.
Talsmenn Hvíta hússins í Washington hafa staðfastlega neitað því að þau Stormy og Trump hafi átt í sambandi, en fyrr í þessum mánuði skiluðu lögfræðingar Trumps inn réttargögnum þar sem þeir fóru fram á að minnsta kosti tuttugu milljónir dollara í skaðabætur frá Stormy vegna brota á fyrrnefndum samningi.
Stormy spjallaði við Anderson Cooper í 60 Minutes í gær.
Viðtalið í gærkvöldi við Stormy var um margt áhugavert og kom ýmislegt fram sem ekki hefur komið fram á. Hér á eftir förum við yfir það helsta sem Stormy ljóstraði upp í viðtali við Anderson Cooper í 60 Minutes.
Hótað með dóttur sína í fanginu
Stormy segir að maður hafi komið til sín og hótað sér ofbeldi þegar hún var með dóttur sinni í Las Vegas árið 2011.
„Ég var á bílastæði að fara í ræktina með dóttur mína, sem var ungbarn. Ég var að taka allt úr bílnum eins og bílstólinn, bleyjutösku og allt það. Og maður gekk upp að mér og sagði: Láttu Trump í friði. Gleymdu sögunni. Og síðan horfði hann á dóttur mína og sagði: Þetta er falleg, lítil stúlka. Það væri synd ef eitthvað kæmi fyrir móður hennar. Og síðan fór hann,” sagði Stormy í viðtalinu.
Dóttir klámmyndastjörnunnar er sjö ára í dag en Stormy tilkynnti atvikið ekki til lögreglu vegna þess að hún var hrædd.
„Ég man að ég fór í ræktina og hendurnar mínar skulfu svo mikið. Ég var hrædd um að missa dóttur mína,” bætti hún við.
Á þessum tíma hafði Stormy samþykkt að segja sögu sína í tímaritinu In Touch fyrir fimmtán þúsund dollara. Í 60 Minutes kom fram að ekkert hefði orðið af viðtalinu vegna þess að Michael Cohen, lögfræðingur Trump hafi hótað að kæra tímaritið.
Trump sagði Stormy að hún minnti hann á dóttur sína
Stormy segist hafa hitt Trump fyrst á golfmóti stjarnanna í Lake Tahoe í júlí árið 2006.
„Hann sagði: Vá, þú, þú ert sérstök. Þú minnir mig á dóttur mína. Hann sagði: Þú ert gáfuð og falleg og einhver sem máli skiptir, og mér líkar við þig. Mér líkar við þig,” sagði Stormy við 60 Minutes, en eins og áður hefur komið fram eru Trump og dóttir hans, Ivanka, mjög náin.
Enginn smokkur, takk
Stormy sagði í viðtalinu að þau Trump hefðu rætt samband hans við eiginkonu sína, Melaniu, en að forsetinn hafi sagt þau sofa í sitthvoru herberginu. Þá sagðist hafa flengt forsetann með tímariti þar sem hann var á forsíðunni. Síðan hafi hún afsakað sig og farið á salernið. Þegar hún kom út af baðherberginu hafi hitnað í kolum.
„Ég fattaði hvað ég var búin að koma mér í. Og ég hugsaði: Æi, núna kemur það. Og mér fannst, kannski, að ég hefði átt þetta skilið því ég tók slæma ákvörðun að fara uppá hótelherbergi ein með einhverjum og ég heyrði bara rödd í höfðinu á mér sem sagði: Jæja, þú komst þér í slæma aðstöðu og slæmir hlutir gerast, þannig að þú átt þetta skilið,” sagði Stormy og bætti við að þau Trump hefðu stundað kynlíf án þess að nota verjur.
„Hann sagði að þetta hefði verið frábært. Hann átti frábært kvöld og þetta var ekkert eins og hann átti von á. Að ég hefði komið honum á óvart og að margir hlytu að vanmeta mig og að hann vonaði að ég myndi vilja hitta hann aftur,” sagði hún. Hún var 27 ára og hann sextugur á þessum tíma.
Trump bað hana ekki um að þegja
„Þetta var ekki leyndarmál,” sagði Stormy og hélt áfram.
„Hann bað mig aldrei um að þaga og hringdi oft í mig þegar ég var í margmenni og þá sagði ég: Guð minn góður, hann er að hringja. Og þá sagði fólk: Þegiðu, Donald-inn? Og ég setti hann á hátalara og hann vildi vita hvað ég var að gera og hvort við gætum hist aftur.”
Hún sagði að Trump hafi spurt hana hvort hún vildi vera keppandi í sjónvarpsþættinum Celebrity Apprentice en að hana hafi grunað að það væri til að halda henni heitri, með von um frekara ástarsamband þeirra á milli.
Hún segist hafa hitt Trump aftur í júlí árið 2007, ári eftir þeirra fyrstu kynni. Þá bauð hann henni á hótelherbergi sitt í Los Angeles til að tala um Celebrity Apprentice. Stormy sagði að hann hafi viljað sofa hjá henni aftur en að hún hafi neitað. Hún sagði að þau hafi aldrei hist aftur og að hún hafi ekki fengið hlutverk í sjónvarpsþættinum.
Óttaðist um öryggi sitt
Stormy segist hafa skrifað undir samninginn fyrir forsetakosningarnar til að vernda dóttur sína. Hún vildi ekki að hún myndi sjá eða lesa eitthvað um sambandið.
„Ég trúi, án efa, í hjarta mínu, og sumir segja að ég sé ekki með svoleiðis en hvað með það, að ég hafi verið að gera hið rétta. Ég afþakkaði stórar peningaupphæðir oft því ég vildi í fyrsta lagi ekki vera stelpan sem segði frá og vera kölluð öllu því sem ég er kölluð núna. Og ég vildi ekki eyðileggja löglegan og góðan feril sem ég hafði unnið svo hart að. Og sem mikilvægara er, ég vildi ekki að fjölskylda mín og barn þyrftu að þola það sem ég þarf að þola núna. Allt sem ég var hrædd um er komið uppá yfirborðið og veistu hvað? Ég á ekki milljón dollara,” sagði Stormy í viðtalinu.
„Hann veit að ég er að segja satt.”
Anderson Cooper spurði Stormy hvort hún ætti eitthvað af skilaboðum, myndböndum eða tölvupóstum frá Donald Trump.
„Lögfræðingur minn mælti með að ég myndi ekki ræða þessa hluti,” sagði Stormy og gaf það til kynna að svo væri. Þegar hún var spurð hvað hún héldi að forsetanum þætti um þetta viðtal hennar sagði hún einfaldlega:
Raunveruleikastjarnan var ein af fjölmörgum sem tóku þátt í March For Our Lives-mótmælunum um helgina vestan hafs, þar sem fólk fjölmennti til að berjast fyrir hertri byssulöggjöf í Bandaríkjunum.
Kim birti mynd af sér á leiðinni á mótmælin á Instagram og hvatti fólk jafnframt til að fjölmenna. Boðskapur Kim hefur þó fallið í skuggann af myndinni sjálfri.
Jú, það er deginum ljósara að átt hefur verið við myndina ef maður skoðar bílinn í bakgrunni myndarinnar. Ljósmyndarar náðu myndum af Kim á sama stað og Instagram-myndin er tekin og þá sést greinilega að myndvinnsluforrit hefur verið notað til að lengja stjörnuna og mjókka mitti hennar með þeim afleiðingum að bíllinn í bakgrunni hefur kramist og gangstéttin er einnig sveigð.
Upprunalega myndin.
Fylgjendur stjörnunnar eru ekki parsáttir við þetta, þó að flestar samfélagsmiðlastjörnur noti einhvers konar forrit til að eiga við myndir sínar. Nokkur viðbrögð við myndinni hennar Kim má sjá hér fyrir neðan:
Only Kim would use a demonstration to promote herself. Photoshop fail…
Ready to march but 1st take a pic, make herself look thin while ignoring the physics of shrinking a vehicle. No shame pic.twitter.com/CvpoPCXHfP
Raunveruleikastjarnan og hótelerfinginn Paris Hilton ku hafa týnt trúlofunarhring sínum, sem metinn er á tvær milljónir dollara, tæplega tvö hundruð milljónir króna, á dansgólfinu á næturklúbbi á Miami um helgina, samkvæmt frétt Page Six.
Betur fór en á horfðist, en Paris og unnusti hennar, Chris Zylka, þræddu næturklúbbinn með öryggisvörðum staðarins og fundu hringinn að lokum. Hafði hann lent í ísfötu á öðru borði.
Sagt er í frétt Page Six að Paris hafi hágrátið þegar hún fattaði að hringurinn væri horfinn en að Chris hafi verið mjög yfirvegaður á meðan á leitinni stóð.
Chris bað Paris fyrr á þessu ári og tilkynntu þau góðu fréttirnar á Instagram í janúar.
Tilvonandi hjónin eru yfir sig ástfangin en Paris lét hafa eftir sér í viðtali við Us Weekly fyrr í mánuðinum að barneignir væru hluti af framtíðarplönunum.
„Ég get ekki beðið eftir að eiga mína eigin dóttur einn daginn og klæða hana upp eins og mig. Það er tilgangur lífsins að eignast fjölskyldu. Og ég sé hve hamingjusama börnin gera systur mína, þannig að ég get ekki beðið eftir að upplifa það,” sagði Paris, en systir hennar, Nicky, á tvær dætur.
Hinn sex ára gamli Carden Corts varð internetstjarna á einni nóttu fyrir stuttu eftir að skólaverkefni sem hann gerði rataði á YouTube.
Verkefnið fólst í því að krakkarnir í bekknum þurftu að búa til myndband þar sem þeir sögðu veðurfréttirnar, og má með sanni segja að Carden hafi leyst það verkefni með stæl.
Myndbandið má sjá hér fyrir neðan, en við erum viss um að það á eftir að koma ykkur til að hlæja, allavega brosa. Það er líka nokkuð fagmannlega unnið, enda vinnur faðir Carden, Charlie, í hönnunargeiranum og hafði aðgang að grænum skjá (e. green screen).
Í samtali við fréttamiðilinn Tennessean segir Charlie að þeir feðgar hafi strax orðið mjög spenntir þegar þeir sáu hvert verkefnið var.
„Þegar ég heyrði hvað verkefnið var fannst mér eins og ég hefði verið að bíða eftir þessu alla ævi,” segir Charlie og bætir við:
„Nei, í alvöru, mér fannst að við gætum haft gaman að þessu.”
Hildur Eir Bolladóttir, sóknarprestur í Akureyrarkirkju, segir fermingarfræðslu vera stóran hluta af þeim tímamótum sem felast í því að fermast. Að hennar mati er mikilvægt að nota fræðsluna til að
brýna fyrir fermingarbörnum að virða og elska sjálfan sig.
„Ég er mikið að tala um sjálfsmynd þeirra í fermingafræðslunni, hjálpa þeim að finna styrkleika sína og segja þeim hvað Guði elski þau mikið með því að vísa í sögur Jesú frá Nasaret,“ segir Hildur Eir og bætir við að megininntak fermingarfræðslunnar eigi að vera forvörn gegn kvíða, sjálfshatri og samanburðarmenningu vegna þess að krakkarnir séu einmitt á þeim aldri þar sem maður finni sér allt til foráttu. „Þar kemur Jesús sterkur inn með allar sínar dæmisögur.“
Spurð hver sé algengasta spurningin sem hún fái í fermingarfræðslunni segir Hildur krakkana oft vilja vita hvernig trú hennar sjálfrar sé. Hvort hún trúi bókstaflega öllu sem standi í Biblíunni.
„Þá svara ég að bókstafstrú sé í besta falli ógagnleg og versta falli hættuleg. Við tölum til dæmis um kraftaverkin sem Jesús framkvæmdi og skoðum bakgrunn aðstæðna. Var Jesús raunverulega að gefa Bartimeus sjón eða var hann að gefa honum innri sýn og trú á sjálfan sig svo hann væri ekki blindur á eigin möguleika og getu. Svona skoðum við sögurnar og lærum af þeim.“
Finnst þér krakkar hugsa öðruvísi í dag en áður fyrr. Liggur þeim eitthvað annað á hjarta?
„Ég hugsa að þau séu á margan hátt tilbúnari til að tala um tilfinningar sínar og andlega líðan vegna þess einfaldlega að samfélagið hefur opnað á þann möguleika með margvíslegum hætti. Það er kannski svona helsta breytingin sem ég sé.“
Áttu eitthvert eitt gott ráð handa fermingarbörnum í lokin – og kannski foreldrum þeirra líka?
„Já að elska Guð og náungann eins og sjálfan sig. Ást er ástundun en ekki markmið.“
Jóel Sæmundsson leikari segir fermingardaginn sinn vera eftirminnilegan fyrir ýmsar sakir. Til dæmis gleymi hann seint athöfninni í kirkjunni.
„Ég týndi sálmabókinni minni,“ segir hann. „Þetta var merkt sálmabók og ég týndi bæði henni og öllum skeytun-um, móður minni til mikillar gleði.“ Þetta hafi ekki verið ábæt-andi ofan á stressið því hann hafi ekki þekkt hina krakkana sem voru að fermast og verið sá eini í hópnum sem þurfti að fara með vers, sem var ferlega pínlegt þar sem hann var í rosalegum mútum.
Veislan eftir á hafi þó toppað allt en hún var haldin í húsakynnum Sálarrannsóknarfélagsins.
„Við fjölskyldan bjuggum á Þórshöfn en ákváðum að halda ferming-una í Reykjavík þar sem ættin bjó meira og minna öll á höfuðborgarsvæðinu og þetta var eini salurinn sem var laus,“ útskýrir hann og kveðst aldrei gleyma árumyndunum og kristölunum, sem héngu þar niður úr loftinu. „Þetta var algjört bíó!“
Að öðru leyti hafi dagurinn gengið vel fyrir sig og sveitastrákurinn fengið flottar fermingargjafir.
„Ég fékk m.a. pening, útilegubúnað og úr frá ömmu sem mér þykir mjög vænt um. Svo gáfu mamma og -pabbi mér fyrstu ferðina í körfuboltabúðir í Bandaríkjunum þaðan sem ég á afskaplega góðar minningar.“
Hvaða ráð viltu gefa krökkum sem eru að fara að fermast?
„Passið ykkur að kaupa ekki fermingarföt sem eru í tísku akkúrat núna. Þau gætu orðið til þess að ljósmyndirnar af ykkur verða hallærislegar seinna meir. Setjið svo peningagjafir inn á læsta bankabók. Ég veit að það hljómar leiðinlega en það margborgar sig því þegar þið verðið eldri þá gætuð þið til dæmis átt útborgun í fyrstu íbúðina.“
Skemmti með búktali
Steindór Grétar Jónsson, blaðamaður og sviðslistamaður, fermdist í Neskirkju árið 1999 og segir veisluna, sem var haldin í Garðabænum heima hjá ömmu hans og afa, eitt það minnistæðasta við daginn.
„Aðallega af því ég píndi Finn vin minn til að vera með atriði. Hann var ágætur búktalari og mér fannst ekki annað hægt en að gestirnir nytu góðs af. Þannig að ég neyddi hann til að sýna og nota mig sem brúðu,“ minnist hann hlæjandi og bætir við að Finnur hafi gefist upp á draumnum um að verða búk-talari eftir þetta.
Spurður hvað hann hafi fengið í fermingargjöf segir Steindór foreldrana hafa gefið sér fjölskylduferð til Flórída um sumarið og PlayStation-leikjatölvu.
„Annars voru krakkarnir að metast um hver hafi fengið mestan pening og -örugglega einhverjir sem lugu til að hljóma meira töff,“ segir hann kíminn. Ein gjöf hafi þó staðið upp úr en það hafi verið Jeremy Klein Birdhouse-hjólabretti með mynd af lifandi pylsu, sem hann fékk frá ömmu sinni og afa.
„Sú gjöf breytti lífi mínu því næstu ár var ég skeitari, sem hafði áhrif á heimsmynd mína.“
Var eitthvað við daginn sem kom á óvart?
„Nei, ekki nema hvað oblátan var bragðlaus. Vona að þær hafi breyst á 19 árum, það hlýtur að vera búið að piparhúða þær.“
Áttu einhver góð heilræði handa krökkum sem eru að fara að fermast núna?
„Nei, en ef þau eiga einhver heilræði handa mér þá væru þau vel þegin. Ég veit ekkert hvað ég er að gera.“
Eins og að giftast einn
Fjölmiðlakonan Júlía Margrét Alex-andersdóttir fermdist á köldu vori í Árbæjarkirkju og segist muna eftir athöfninni eins og hún hafi gerst í gær.
„Ég man eftir því að við fermingarsystkinin biðum spennt eftir því hvort einhver myndi gleyma versinu sínu. Svo skoðuðum við hvert annað í krók og kring, í hverju bekkjarsysturnar og -bræðurnir voru, hverjir höfðu fengið að klína á sig andlitsmálningu og gera eitthvað fríkað við hárið á sér. Hverjir höfðu fengið að sleppa því að vera í hvítum fötum og voru jafnvel útbúnir eins og þeir væru að fara á ball í Árseli – þá öfundaði maður,“ rifjar hún upp og hlær.
Sjálf klæddist hún hvítri dragt, jakka með léttum axlapúðum og hné–síðum stuttbuxum. „Stuttbuxur voru þá í tísku en á mínu heimili þótti það um of og hnésíðar var millivegurinn. Um morguninn fór ég svo í hátíðlega greiðslu á stofu. Þegar ég skoða myndir af mér eftir á og öðrum fermingarbörnum eru mörg okkar í þessum drögtum búin út eins og við séum að fara að sitja í stjórn fyrirtækja en ekki að fermast.“
Eftir athöfnina var veisla haldin í sal fyrir ofan Hreyfil á Grensásvegi þangað sem ættingjum og vinum Júlíu var boðið.
„Veislan sjálf þar sem athyglin fór af meira en 30 fermingarbörnum á mig eina var hálfgert sjokk. Eins og að giftast einn því í brúðkaupi er þó allavega brúðgumi sem tekur athyglina með þér. Þarna á maður að skera kökuna einn og tala eitthvað. Ég held ég hafi meira að segja spilað á fiðlu. Ég fílaði nú ekki að vera svona miðdepill og minnir að ég hafi verið fegin í lok dags.“
Júlía segir að þessum tíma hafi verið hneykslast talsvert á börnum sem fengu sjónvörp og vídeótæki í fermingargjöf. Í dag sé enn verið að hneykslast á því þegar börn fá ofurdýrar fermingar gjafir en hún telur að umræðan sé nokkurn veginn alltaf sú sama.
„Kannski var umstangið í kringum fermingarbörnin útlitslega minna þá,“ segir hún hugsi. „En ég er ekki svo viss. Að minnsta kosti fór enginn sem ég man eftir í nagla- og fótsnyrtingu fyrir fermingu en vissulega þegar maður rifjar þetta upp þá voru sumar stelpur sendar í ljós áður, fóru kannski í gegnum heilt 10 tíma kort á mánuði fyrir fermingardaginn.“
Spurð hvort hún eigi heilræði handa tilvonandi fermingarbörnum svarar hún.
„Þið eruð svo heppin að það er til Facebook svo mitt heilræði er: Kynnið ykkur hverjum er boðið í veisluna, lærið nöfn ömmusystra og -afa og lærið að tengja nöfnin við andlit þeirra af myndum ef þetta eru ættingjar sem þið hittið aðeins við svona tilefni. Það er gaman að geta þakkað fyrir sig og vitað við hvern maður talar.“
Leikkonan Angelina Jolie er byrjuð að deita eldri mann sem er ekki frægur, samkvæmt heimildum Entertainment Tonight. Angelina skildi við leikarann Brad Pitt í september árið 2016, og skók skilnaðurinn heimsbyggðina.
„Brad og Angie eru bæði mjög dul um ástarlíf sitt. Angie hefur sagt nokkrum vinum sínum að hún sé ekki tilbúin í samband en að hún sé byrjuð að hitta myndarlegan, eldri mann sem er fasteignasali,” segir heimildarmaður Entertainment Tonight og bætir við:
„Hann er ekki frægur eða þekktur á neinn hátt.”
Heimildarmaðurinn segir einnig að Angelina hafi átt erfitt eftir skilnaðinn við Brad og að það hafi hjálpað henni að eyða tíma með fasteignasalanum.
Brad virðist líka vera að deita, ef marka má frétt Entertainment Tonight. Hann er ekki heldur hrifinn af því að kynnast konum í sviðsljósinu.
„Konurnar sem hann fer á stefnumót með eru ekki frægar,” segir heimildarmaðurinn.
Umhverfisvæni fataframleiðandinn Everlane setti á markað nýja undirfatalínu á mánudag, en línan er mjög minimalísk og eru þægindi sett í fyrirrúm.
Nú þegar eru tæplega þrjátíu þúsund konur á biðlista fyrir þessi nærföt og búist er við því að listinn muni aðeins lengjast næstu daga. Hægt er að fá toppa, brjóstahaldara og nærbuxur í línunni og er ekkert í henni dýrara en þrjátíu dollarar, eða tæplega þrjú þúsund krónur.
Þægindi ofar öllu.
Nærfatalínan er búin að vera í þróun í tvö ár og þegar hún kom á markað birti Everlane orðsendingu á Instagram þar sem farið var yfir hugmyndinafræðina á bak við fötin.
„Undirföt ættu að vera gerð fyrir þig. En áratugum saman hafa þau verið hönnuð með einhvern annan í huga,” segir í orðsendingunni, og í kjölfarið er farið yfir allt sem er óþægilegt við flest undirföt í dag.
„Iðnaðurinn hefur grætt milljarða á að segja konum að þær þurfi að líta út eins og eitthvað sem þær eru ekki til að vera kynþokkafullar. En tímarnir breytast og undirfötin ættu að gera það líka.”
Í orðsendingunni segir einnig að fjörutíu prufur hafi verið gerðar af undirfötunum áður en framleiðendur voru sáttir, en öll fötin í línunni eru úr bómul sem fer vel með húðina og klæðir allar líkamsgerðir.
Klæðir alla.
Í auglýsingum fyrir línuna eru konur af öllum stærðum og gerðum í aðalhlutverki, þar á meðal leikkonan Jemima Kirke sem hefur barist mikið fyrir bættri líkamsvitund og -ímynd.
Hjónin Freyr Alexandersson, landsliðsþjálfari kvenna í knattspyrnu, og Erla Súsanna Þórisdóttir eru búin að setja einbýlishúsið sitt í Keilufelli í Breiðholti á sölu. Ásett verð eru 64,9 milljónir en eignin er skráð 175,6 fermetrar.
Glæsilegt hús í fallegu hverfi.
Koma þessar fregnir í kjölfar þess að hjónin tilkynntu á samfélagsmiðlum að þau ættu von á barni, en Erla er gengin rétt rúmlega tuttugu vikur. Fyrir eiga þau Freyr tvær dætur, en hjónin hafa verið saman síðan þau voru táningar.
Erla og Freyr á brúðkaupsdaginn.
Eins og sést er heimili þeirra í Keilufelli afar glæsilegt, en þau hafa búið þar um árabil. Þau eiga sterkar rætur í Fellahverfinu og gengu bæði í Fellaskóla.
Björt og falleg stofa.
Húsið er afar rúmgott og því fylgir veðursæll pallur sem býður upp á skemmtileg grillpartí þegar sólin lætur sjá sig á ný.
Stílhreint..Kósí svefnherbergi.Hlýlegt barnaherbergi.Hér er hægt að sitja og spjalla dægrin löng.Stórt og gott eldhús.Skemmtilegt rými.
Ný lína af fallegum púðum – glóðvolgir
beint úr flugi
Það er alltaf gaman að breyta umhverfinu með litlum tilkostnaði, til dæmis með púðum og ábreiðum. Hægt er að breyta rýminu með því að setja fallega púða í rúmið eða sófann og hafa ábreiðu í stíl. Við hjá VOGUE FYRIR HEIMILIÐ vorum einmitt að taka inn nýjar vörur frá Claudi sem er hollensk gæðahönnun.
Vinsælu Starlux-gæðadýnurnar fyrir fermingarbarnið
Hjá VOGUE FYRIR HEIMILIÐ er gríðalega mikið úrval af rúmum og rúmdýnum. Fyrir fermingarnar eru Starlux-gæðadýnur vinsælastar en þær eru hannaðar af fagfólki okkar og framleiddar erlendis. Þær eru með tvo stífleika, mjúkan og stífan, og því er hægt að snúa þeim við. Hver dýna er með sérstyrktum kanti, þannig að þegar unglingarnir sitja í rúminu heldur hún sínu lagi.
Svefnstóllinn Loki
Svefnstóllinn Loki er hönnun frá Snæland en hann nýtur gríðarlegrar vinsældar bæði í unglingaherbergið og sem aukasvefnstæði hjá ömmum og öfum. Hægt er að velja áklæði úr fjölmörgum litum og hægt að fá hann í nokkrum breiddum.
Antíkbleikt og dökkgrár eru móðins
í dag – Flott í unglingaherbergið
Antíkbleiki liturinn er mjög vinsæll og kemur mjög vel út með
dökkgráa litnum.
Fjölbreyttir fylgihlutir og
litagleðin í fyrirrúmi
Einnig eru fáanlegir fallegir fylgihlutir, má þar meðal annars nefna skápúðana sem eru frábærir til að hafa þegar unglingurinn er að lesa eða er í tölvunni. Það getur verið gaman að velja áklæði í stíl fyrir dívaninn og höfðagaflinn. Einnig er hægt að velja hrúgald sem er hægt poppa upp með í skemmtilegum gulum lit eins og sjá má á myndinni. Þessi grái litur á rúminu er mjög vinsæll hjá ungu kynslóðinni. Tauið nýtur sífellt meiri vinsælda þegar valið er rúm.
Hluti af því að líða vel á vinnustað er að skapa notalegt umhverfi og nýverið tóku nokkrir starfsmenn sig til og fríkkuðu upp á betri stofu útgáfufélagsins Birtíngs með nýjum og fallegum málningarlit.
Ferðinni var fyrst heitið í byggingavöruverslunina BYKO þar sem hugmyndin að litnum spratt fram. Halldór Rúnarsson, dreifingarstjóri Birtíngs sá að þessu sinni um málningarvinnuna og segir hann mikilvægt að leita ráða hjá fagaðillum.
„Við vissum ekkert hvernig við ætluðum að gera þetta en fengum ómetanlega aðstoð meðal starfsmanna BYKO. Þeir hjálpuðu okkur að velja málningarúllur og stækkanlegt málningarskaft sem hentaði vel upp á þá lofthæð sem við vorum að vinna með. Við keyptum 25 cm málningarrúllu sem hentar öllum gerðum innimálningar en liturinn sem við völdum er úr vatnsþynnanlegri mattri akrílmálningu og eins og kemur fram á heimasíðu BYKO gefur liturinn djúpa litaáferð án endurspeglunar, svo það glampar ekki á veggina þó sólin skíni á þá.”
Halldór að störfum.
Það er óhætt að segja að undirbúningurinn skipti lykilatriði þegar kemur að málningarvinnu og tekur Halldór heilshugar undir það.
„Undirbúningsvinnan er tímafrekust þegar kemur að svona framkvæmdum en margir vilja kantskera allan vegginn áður en þeir hefjast handa við að rúlla málningunni á. Fyrir utan það er gott að teipa í kringum hurðir og ljósrofa og spasla auðvitað í allar ójöfnur og naglaför ef þess þarf. Ef vandað er til verka í þessu ferli er eftirvinnan auðveld og ég get staðfest að maður þarf ekkert að vera neitt ofboðslega flinkur málari ef undirbúningurinn er gerður rétt.
Mikilvægt er að hræra í málningunni.
Mikilvægt er að byrja á því að hræra málninguna vel saman í fötunni en góður málningarbakki skiptir gríðarlegu máli. Eftir það er ekki eftir neinu að bíða heldur hefjast handa við að rúlla málningunni á vegginn en fjöldi umferða er smekksatriði. Liturinn sem við völdum þekur einstaklega vel og því fórum við einungis eina umferð á veggina. Þetta er einstaklega fallegur litur sem nýtur sín sérlega vel í allri lýsingu hvort sem um er að ræða á kvöldin eða í dagsbirtu. Tegund málningarinnar nefnist Supermatt rom og er frá Gjøco en liturinn ber nafnið Daggarblár og var valin febrúarlitur mánaðarins að mati Húsa og Híbýla.
Skemmtilegur litur.
Eftir að hafa málað alla veggi og látið málninguna þorna vel tekur frágangurinn við, ganga frá og skúra gólf. Eftir það er verkinu lokið og herbergið tilbúið.”
NEW YORK - FEBRUARY 25: Overview of Oscar statues on display at "Meet the Oscars" at the Time Warner Center on February 25
Það er ekkert launungamál að kjólarnir sem frægustu konur heims klæðast á Óskarsverðlaunahátíðinni, sem og öðrum hátíðum, eru fokdýrir. Þekkt er að stjörnur fái kjóla lánaða frá hönnuðum á stóra daginn, en það er talin ein besta auglýsingin sem hönnuðir fá í bransanum.
Hins vegar vita kannski færri að hönnuðurinn ber ekki aðeins kostnað af gerð kjólanna, sem hleypur á mörgum milljónum, heldur þarf einnig að borga sendingarkostnað undir klæðnaðinn til að koma honum til fræga fólksins.
Hönnuðurinn Christian Siriano talaði um þennan falda kostnað í útvarpsviðtali á dögunum.
„Það kostar svo mikinn pening að sérhanna þessa kjóla og senda þá út um allan heim,” segir Christian og bætir við:
„Ég meina, það getur kostað tvö þúsund dollara (200 þúsund krónur) að senda stóran kassa frá New York til Los Angeles yfir nótt.”
Christian segir að hann og teymi hans hafi sent um hundrað kjóla í hraðsendingu frá New York til Los Angeles það sem af er ári og því má áætla að kostnaðurinn bara við sendingar sé kominn upp í fimmtíu þúsund dollara, eða tæpar fimm milljónir króna. Þess má geta að stjörnur eins og Whoopi Goldberg, Kelly Ripa og Janet Mock klæddust allar hönnun eftir Christian á Óskarsverðlaunahátíðinni í ár.
Þrátt fyrir þennan kostnað segir Christian að hann sé þess virði, þar sem oft sé eina leiðin til að fá svokallaðar A-lista stjörnur til að klæðast fötum sínum, sé að borga fyrir sendinguna.
„Flestir eiga ekki pening fyrir sendingarkostnaðinum,” segir Christian og bætir við að auglýsingin sé í raun meira virði en þessi gríðarlegu fjárútlát.
Leikkonan og fyrirsætan Emily Ratajkowski gekk að eiga kvikmyndaframleiðandann Sebastian Bear-McClard fyrir mánuði síðan og njóta þau nú lífsins í brúðkaupsferð.
Emily hefur verið dugleg að birta myndir úr ferðinni á Instagram, en athygli hefur vakið að Emily er nánast aldrei í fötum og ætlar greinilega að nýta hveitibrauðsdagana vel.
Þá hefur Emily einnig birt skemmtilega mynd á Instagram þar sem Sebastian sést bera sólarolíu á afturenda eiginkonu sinnar, og virðast þau bæði hafa gaman að.
Oft hefur því verið haldið fram að best sé að panta flugfargjöld eins langt fram í tímann og hægt er til að tryggja lægsta verðið. Ný greining hjá fyrirtækinu CheapAir kollvarpar hins vegar þessari kenningu.
Samkvæmt greiningu CheapAir er ódýrast að panta flug í Bandaríkjunum sjötíu dögum fyrir brottför. Ef ferðalangar ná ekki að bóka á þeim degi ættu þeir að panta flug 21 til 121 degi fyrirfram, sem er þá besti bókunarglugginn, ef svo má að orði komast.
Í vinnu sinni greindi fólkið hjá CheapAir 917 milljón flugfargjöld árið 2017 og fylgdust með verðinu allt frá 320 dögum í brottför og þar til degi fyrir flug. Með þessari vinnu náði það að reikna út hvenær fargjöld væru að meðaltali lægst, sem var eins og áður segir þegar sjötíu dagar voru í brottför. Niðurstöður ársins 2016 sýndu að ódýrast var að panta flug 54 dögum fyrir brottför og því breytist þetta frá ári til árs, og jafnvel á milli árstíða.
Greiningardeild CheapAir tekur fram í niðurstöðum sínum að sjötíu daga reglan sé að sjálfsögðu ekki algild og að verð á fargjöldum fari einnig eftir ferðinni sem bókuð er.
Fólkið sem stóð að greiningunni segir einnig að það sé flökkusaga að einn dagur vikunnar sé betri til að bóka en hinn, ef markmiðið er að spara nokkrar krónur. Oft hefur því verið haldið fram að ódýrast sé að bóka flug á þriðjudögum, en það ku ekki vera rétt. Greiningardeild CheapAir komst að því að aldrei væri meiri en 0,6% munur á verði á milli daga, og því varla greinanlegur. Hins vegar er ódýrast að fljúga á þriðjudögum og miðvikudögum, og er hægt að spara sér um sjö þúsund krónur allajafna með því að fljúga á miðvikudegi í staðinn fyrir sunnudegi.
Eva Michelsen er sjálfmenntuðköku- og konfektgerðarkona en kemur þó af bakaraættum. Kökubakstur og skreytingarhæfileikar hennar komu þó ekki í ljós fyrr en hún var löngu flutt að heiman en hún býr nú til sannkölluð sælkera-páskaegg sem notið hafa umtalsverða athygli.
„Ég veit nú ekki hvort eggin mín hafi einhver sérstök einkenni umfram önnur en ég reyni að breyta til og gera eitthvaðöðruvísi sem oftast. Það sem mér þykir skemmtilegt við páskaeggin er fyllingin því hún hefur svo mikil áhrif á súkkulaðið sjálft. Fyrir þá sem ekki vita, þá bragðast páskaegg aðeins öðruvísi þvíþau draga í sig lykt og bragð af því sem er inn íþeim. Alveg eins og konfekt bragðast áákveðinn hátt. Það máþó alls ekki gleyma málshættinum. Ég áþáófáa varðveitta hér og þar.
Ef fyllingin í egginu er ekki góð, er ég ekki jafn spennt fyrir restinni.
Eftir að lakkrís súkkulaði kom á markað hefur það veriðíþó nokkru uppáhaldi en annars er ég hlynntust gamla góða suðu súkkulaðinu. Það er svo hægt að borða innan úr egginu og brjóta rest út í eftirréttinn.
Það sem er líka skemmtilegt við að gera páskaegg og vinna með súkkulaði yfir höfuð er að valmöguleikarnir eru endalausir og alveg magnað hvað hægt er að gera með súkkulaði. Mér finnst ég alltaf vera læra eitthvað nýtt.”
Donald Trump, Bandaríkjaforseti, fær á baukinn í nýju atriði úr smiðju fólksins sem hefur fært okkur 29 seríur af teiknimyndaþáttunum The Simpsons.
Atriðið heitir A Tale of Two Trumps, eða saga um Trump-ana tvo, sem er vísan í skáldsöguna A Tale of Two Cities eftir Charles Dickens. Í atriðinu er Trump fastur í teiknimyndamartröð þar sem hann játar allar syndir sínar, meðal annars að hafa svikið undan skatti og haldið framhjá eiginkonum sínum.
„Þú hefur verið að láta eins og sjálfselskur siðblindingi og 64 til 67 prósent af fólki hatar þig,” segir Trump til dæmis við sig sjálfan þegar hann gerir sér grein fyrir kostum þess að koma hreint fram.
Þá er einnig sérstaklega sniðugt að sjá hvernig The Simpsons-liðar leika sér með hárgreiðslu Trumps, en atriðið má sjá hér fyrir neðan:
Paris Jackson, dóttir poppkonungsins sáluga Michael Jackson, sást kyssa ofurfyrirsætuna og Íslandsvininn Cöru Delevingne í Vestur-Hollywood í síðustu viku.
Paris og Cara voru á tvöföldu stefnumóti með guðföður Paris, leikaranum Macaulay Culkin og kærustu hans, Brendu Song.
Fréttavefurinn Us Magazine birtir myndir af stefnumótinu, þar sem Paris og Cara sjást kyssast innilega og faðmast. Myndirnar má sjá með því að smella hér.
Paris er nítján ára og Cara 25 ára, en þær kynntust á MTV-kvikmyndaverðlaunahátíðinni í fyrra. Þær hafa ekki opinberað samband sitt, né hefur Paris talað opinberlega um kynhneigð sína en poppdóttirin birti mynd af Cöru á Instagram í síðustu viku þar sem fyrirsætan sást standa uppi í rúmi. Paris skrifaði einfaldlega: a r t við myndina, eða l i s t.
Í meðfylgjandi myndbandi leiðir jógakennarinn Jess Taras okkur í gegnum þrjátíu mínútna kraftjógatíma sem reynir vel á bæði liðleika og styrk.
Mikil áhersla er lögð á að styrkja kvið, bak og rass í þessari æfingu, en einnig einblínir Jess á öndun, sem gerir það að verkum að þessi æfing losar um streitu.
Hægt er að gera æfinguna heima í stofu, en þeir sem þurfa að bæta liðleikann geta notað jógakubb, eða ígildi hans, ef þeir treysta sér ekki í vissar stellingar.
Það er fátt meira á milli tannanna á fólki í dag en viðtal við klámmyndastjörnuna Stormy Daniels, sem heitir réttu nafni Stephanie Clifford, í þættinum 60 Minutes, sem sýndur var í gærkvöldi vestan hafs. Stormy heldur því fram að hún hafi átt í sambandi við Donald Trump, Bandaríkjaforseta en hafi verið borgað fyrir að þegja um sambandið í aðdraganda forsetakosninganna árið 2016.
Stormy segist hafa stundað kynlíf með Donald eftir að þau kynntust á golfmóti árið 2006, stuttu eftir að eiginkona forsetans, Melania Trump, fæddi son þeirra Barron.
Michael Cohen, lögfræðingur Trumps, borgaði Stormy 130 þúsund dollara, tæplega þrettán milljónir króna, fyrir að þaga um sambandið fyrir forsetakosningarnar. Skrifaði Stormy undir samning þar sem hún hét því að tala ekki við neinn um sambandið. Nú stendur hún hins vegar í dómsmáli vegna þessa samnings vegna þess að hún heldur því fram að Trump hafi ekki skrifað undir hann. Enn fremur hefur hún boðist til þess að skila þessum tæpu þrettán milljónum.
Talsmenn Hvíta hússins í Washington hafa staðfastlega neitað því að þau Stormy og Trump hafi átt í sambandi, en fyrr í þessum mánuði skiluðu lögfræðingar Trumps inn réttargögnum þar sem þeir fóru fram á að minnsta kosti tuttugu milljónir dollara í skaðabætur frá Stormy vegna brota á fyrrnefndum samningi.
Stormy spjallaði við Anderson Cooper í 60 Minutes í gær.
Viðtalið í gærkvöldi við Stormy var um margt áhugavert og kom ýmislegt fram sem ekki hefur komið fram á. Hér á eftir förum við yfir það helsta sem Stormy ljóstraði upp í viðtali við Anderson Cooper í 60 Minutes.
Hótað með dóttur sína í fanginu
Stormy segir að maður hafi komið til sín og hótað sér ofbeldi þegar hún var með dóttur sinni í Las Vegas árið 2011.
„Ég var á bílastæði að fara í ræktina með dóttur mína, sem var ungbarn. Ég var að taka allt úr bílnum eins og bílstólinn, bleyjutösku og allt það. Og maður gekk upp að mér og sagði: Láttu Trump í friði. Gleymdu sögunni. Og síðan horfði hann á dóttur mína og sagði: Þetta er falleg, lítil stúlka. Það væri synd ef eitthvað kæmi fyrir móður hennar. Og síðan fór hann,” sagði Stormy í viðtalinu.
Dóttir klámmyndastjörnunnar er sjö ára í dag en Stormy tilkynnti atvikið ekki til lögreglu vegna þess að hún var hrædd.
„Ég man að ég fór í ræktina og hendurnar mínar skulfu svo mikið. Ég var hrædd um að missa dóttur mína,” bætti hún við.
Á þessum tíma hafði Stormy samþykkt að segja sögu sína í tímaritinu In Touch fyrir fimmtán þúsund dollara. Í 60 Minutes kom fram að ekkert hefði orðið af viðtalinu vegna þess að Michael Cohen, lögfræðingur Trump hafi hótað að kæra tímaritið.
Trump sagði Stormy að hún minnti hann á dóttur sína
Stormy segist hafa hitt Trump fyrst á golfmóti stjarnanna í Lake Tahoe í júlí árið 2006.
„Hann sagði: Vá, þú, þú ert sérstök. Þú minnir mig á dóttur mína. Hann sagði: Þú ert gáfuð og falleg og einhver sem máli skiptir, og mér líkar við þig. Mér líkar við þig,” sagði Stormy við 60 Minutes, en eins og áður hefur komið fram eru Trump og dóttir hans, Ivanka, mjög náin.
Enginn smokkur, takk
Stormy sagði í viðtalinu að þau Trump hefðu rætt samband hans við eiginkonu sína, Melaniu, en að forsetinn hafi sagt þau sofa í sitthvoru herberginu. Þá sagðist hafa flengt forsetann með tímariti þar sem hann var á forsíðunni. Síðan hafi hún afsakað sig og farið á salernið. Þegar hún kom út af baðherberginu hafi hitnað í kolum.
„Ég fattaði hvað ég var búin að koma mér í. Og ég hugsaði: Æi, núna kemur það. Og mér fannst, kannski, að ég hefði átt þetta skilið því ég tók slæma ákvörðun að fara uppá hótelherbergi ein með einhverjum og ég heyrði bara rödd í höfðinu á mér sem sagði: Jæja, þú komst þér í slæma aðstöðu og slæmir hlutir gerast, þannig að þú átt þetta skilið,” sagði Stormy og bætti við að þau Trump hefðu stundað kynlíf án þess að nota verjur.
„Hann sagði að þetta hefði verið frábært. Hann átti frábært kvöld og þetta var ekkert eins og hann átti von á. Að ég hefði komið honum á óvart og að margir hlytu að vanmeta mig og að hann vonaði að ég myndi vilja hitta hann aftur,” sagði hún. Hún var 27 ára og hann sextugur á þessum tíma.
Trump bað hana ekki um að þegja
„Þetta var ekki leyndarmál,” sagði Stormy og hélt áfram.
„Hann bað mig aldrei um að þaga og hringdi oft í mig þegar ég var í margmenni og þá sagði ég: Guð minn góður, hann er að hringja. Og þá sagði fólk: Þegiðu, Donald-inn? Og ég setti hann á hátalara og hann vildi vita hvað ég var að gera og hvort við gætum hist aftur.”
Hún sagði að Trump hafi spurt hana hvort hún vildi vera keppandi í sjónvarpsþættinum Celebrity Apprentice en að hana hafi grunað að það væri til að halda henni heitri, með von um frekara ástarsamband þeirra á milli.
Hún segist hafa hitt Trump aftur í júlí árið 2007, ári eftir þeirra fyrstu kynni. Þá bauð hann henni á hótelherbergi sitt í Los Angeles til að tala um Celebrity Apprentice. Stormy sagði að hann hafi viljað sofa hjá henni aftur en að hún hafi neitað. Hún sagði að þau hafi aldrei hist aftur og að hún hafi ekki fengið hlutverk í sjónvarpsþættinum.
Óttaðist um öryggi sitt
Stormy segist hafa skrifað undir samninginn fyrir forsetakosningarnar til að vernda dóttur sína. Hún vildi ekki að hún myndi sjá eða lesa eitthvað um sambandið.
„Ég trúi, án efa, í hjarta mínu, og sumir segja að ég sé ekki með svoleiðis en hvað með það, að ég hafi verið að gera hið rétta. Ég afþakkaði stórar peningaupphæðir oft því ég vildi í fyrsta lagi ekki vera stelpan sem segði frá og vera kölluð öllu því sem ég er kölluð núna. Og ég vildi ekki eyðileggja löglegan og góðan feril sem ég hafði unnið svo hart að. Og sem mikilvægara er, ég vildi ekki að fjölskylda mín og barn þyrftu að þola það sem ég þarf að þola núna. Allt sem ég var hrædd um er komið uppá yfirborðið og veistu hvað? Ég á ekki milljón dollara,” sagði Stormy í viðtalinu.
„Hann veit að ég er að segja satt.”
Anderson Cooper spurði Stormy hvort hún ætti eitthvað af skilaboðum, myndböndum eða tölvupóstum frá Donald Trump.
„Lögfræðingur minn mælti með að ég myndi ekki ræða þessa hluti,” sagði Stormy og gaf það til kynna að svo væri. Þegar hún var spurð hvað hún héldi að forsetanum þætti um þetta viðtal hennar sagði hún einfaldlega:
Raunveruleikastjarnan var ein af fjölmörgum sem tóku þátt í March For Our Lives-mótmælunum um helgina vestan hafs, þar sem fólk fjölmennti til að berjast fyrir hertri byssulöggjöf í Bandaríkjunum.
Kim birti mynd af sér á leiðinni á mótmælin á Instagram og hvatti fólk jafnframt til að fjölmenna. Boðskapur Kim hefur þó fallið í skuggann af myndinni sjálfri.
Jú, það er deginum ljósara að átt hefur verið við myndina ef maður skoðar bílinn í bakgrunni myndarinnar. Ljósmyndarar náðu myndum af Kim á sama stað og Instagram-myndin er tekin og þá sést greinilega að myndvinnsluforrit hefur verið notað til að lengja stjörnuna og mjókka mitti hennar með þeim afleiðingum að bíllinn í bakgrunni hefur kramist og gangstéttin er einnig sveigð.
Upprunalega myndin.
Fylgjendur stjörnunnar eru ekki parsáttir við þetta, þó að flestar samfélagsmiðlastjörnur noti einhvers konar forrit til að eiga við myndir sínar. Nokkur viðbrögð við myndinni hennar Kim má sjá hér fyrir neðan:
Only Kim would use a demonstration to promote herself. Photoshop fail…
Ready to march but 1st take a pic, make herself look thin while ignoring the physics of shrinking a vehicle. No shame pic.twitter.com/CvpoPCXHfP
Raunveruleikastjarnan og hótelerfinginn Paris Hilton ku hafa týnt trúlofunarhring sínum, sem metinn er á tvær milljónir dollara, tæplega tvö hundruð milljónir króna, á dansgólfinu á næturklúbbi á Miami um helgina, samkvæmt frétt Page Six.
Betur fór en á horfðist, en Paris og unnusti hennar, Chris Zylka, þræddu næturklúbbinn með öryggisvörðum staðarins og fundu hringinn að lokum. Hafði hann lent í ísfötu á öðru borði.
Sagt er í frétt Page Six að Paris hafi hágrátið þegar hún fattaði að hringurinn væri horfinn en að Chris hafi verið mjög yfirvegaður á meðan á leitinni stóð.
Chris bað Paris fyrr á þessu ári og tilkynntu þau góðu fréttirnar á Instagram í janúar.
Tilvonandi hjónin eru yfir sig ástfangin en Paris lét hafa eftir sér í viðtali við Us Weekly fyrr í mánuðinum að barneignir væru hluti af framtíðarplönunum.
„Ég get ekki beðið eftir að eiga mína eigin dóttur einn daginn og klæða hana upp eins og mig. Það er tilgangur lífsins að eignast fjölskyldu. Og ég sé hve hamingjusama börnin gera systur mína, þannig að ég get ekki beðið eftir að upplifa það,” sagði Paris, en systir hennar, Nicky, á tvær dætur.
Hinn sex ára gamli Carden Corts varð internetstjarna á einni nóttu fyrir stuttu eftir að skólaverkefni sem hann gerði rataði á YouTube.
Verkefnið fólst í því að krakkarnir í bekknum þurftu að búa til myndband þar sem þeir sögðu veðurfréttirnar, og má með sanni segja að Carden hafi leyst það verkefni með stæl.
Myndbandið má sjá hér fyrir neðan, en við erum viss um að það á eftir að koma ykkur til að hlæja, allavega brosa. Það er líka nokkuð fagmannlega unnið, enda vinnur faðir Carden, Charlie, í hönnunargeiranum og hafði aðgang að grænum skjá (e. green screen).
Í samtali við fréttamiðilinn Tennessean segir Charlie að þeir feðgar hafi strax orðið mjög spenntir þegar þeir sáu hvert verkefnið var.
„Þegar ég heyrði hvað verkefnið var fannst mér eins og ég hefði verið að bíða eftir þessu alla ævi,” segir Charlie og bætir við:
„Nei, í alvöru, mér fannst að við gætum haft gaman að þessu.”
„Ég týndi sálmabókinni minni,“ segir hann. „Þetta var merkt sálmabók og ég týndi bæði henni og öllum skeytun-um, móður minni til mikillar gleði.“ Þetta hafi ekki verið ábæt-andi ofan á stressið því hann hafi ekki þekkt hina krakkana sem voru að fermast og verið sá eini í hópnum sem þurfti að fara með vers, sem var ferlega pínlegt þar sem hann var í rosalegum mútum.
„Aðallega af því ég píndi Finn vin minn til að vera með atriði. Hann var ágætur búktalari og mér fannst ekki annað hægt en að gestirnir nytu góðs af. Þannig að ég neyddi hann til að sýna og nota mig sem brúðu,“ minnist hann hlæjandi og bætir við að Finnur hafi gefist upp á draumnum um að verða búk-talari eftir þetta.
„Ég man eftir því að við fermingarsystkinin biðum spennt eftir því hvort einhver myndi gleyma versinu sínu. Svo skoðuðum við hvert annað í krók og kring, í hverju bekkjarsysturnar og -bræðurnir voru, hverjir höfðu fengið að klína á sig andlitsmálningu og gera eitthvað fríkað við hárið á sér. Hverjir höfðu fengið að sleppa því að vera í hvítum fötum og voru jafnvel útbúnir eins og þeir væru að fara á ball í Árseli – þá öfundaði maður,“ rifjar hún upp og hlær.
