Þriðjudagur 19. mars, 2024
-0.2 C
Reykjavik

Býst ekki við Íslendingum til Tenerife á þessu ári

VefTv

- Auglýsing -

Hlaðvörp

- Auglýsing -

Rún Kormáksdóttir hefur verið búsett á Tenerife í rúman áratug og unnið við það að þjónusta Íslendinga sem fararstjóri. Aðspurð telur hún ólíklegt að þeir fái að ferðast til eyjarinnar á næstunni. „Nei, ég sé það einhvern veginn ekki fyrir mér. Ég hef það á tilfinningunni eftir að hafa fylgst grannt með aðgerðum Spánverjanna á þessum veirutímum, að þeir muni fara mjög hægt af stað aftur, enda gríðarlegt áfall sem þeir urðu fyrir vegna COVID19 á meginlandi Spánar,“ segir Rún.

Rún segir það skrítið að hafa horft á eftir öllum Íslendingunum yfirgefa eyjuna um miðjan mars og að vera nú án verkefna meðan venjulega er mikið um að vera í fararstjórastarfinu. „Það er mjög erfitt að ræða þessi mál, án þess að detta í sjálfsvorkunn. Ég vanda mig eins og ég get við að hugsa um hvað ég sé í raun heppin, þrátt fyrir að staðan hjá okkur sé nú orðin nokkuð breytt og engin vinna til að mynda lengur, þá getum við ekki kvartað. Mikilvægast í þessu öllu saman er í raun almannaheill,“ segir Rún.

Rún er ekki alltof bjartsýn á að Íslendingum verði leyft að ferðast til Tenerife á þessu ári en vonast samt til þess að raunin verði önnur. „Þeir eru að byrja að stíga fyrstu skrefin í afléttingu en ég óttast að yfirvöld komi ekki til með að leyfa ferðalög hingað á þessu ári og sé heldur ekki fyrir mér hvernig ætti að koma í veg fyrir að hingað kæmu smitaðir einstaklingar með þeim afleiðingum að allt færi í sama farið aftur. Það er gríðarlegur fjöldi ferðamanna sem hingað kemur daglega víðsvegar að úr heiminum og þjóðirnar eru komnar svo mislangt í ferlinu. Þetta er vissulega mjög sorgleg og erfið staða, ég finn gríðarlega mikið til með heimamönnum sem eru margir hverjir í mjög erfiðri stöðu, enda byggist efnahagurinn þeirra meira eða minna á ferðamennsku og auðvitað óskandi að þessu ástandi ljúki sem fyrst svo að ferðamenn geti komið fljótt aftur til Tenerife og notið þar sólar og sælu.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -