Föstudagur 9. júní, 2023
8.8 C
Reykjavik

Gunnar: „Gjaldþrota stjórnmálafólk grípur alltaf til menningarstríðs til að fela eigin vangetu“

Helgarviðtalið

- Auglýsing -

Orðrómur

- Auglýsing -

Sósíalistaforinginn Gunnar Smári Egilsson skýtur bylmingsfast á Samfylkinguna með því að birta 17 ára gamla auglýsingu frá flokknum.

Gunnar Smári spyr af hverju almenningur á Íslandi hafi misst trú á stjórnmálum, í nýrri færslu á Facebook-síðu Sósíalistaflokksins í dag. Með þeim vangaveltum birtir hann 17 ára gamla auglýsingu frá Samfylkingunni þar sem flokkurinn lofar öllu fögru varðandi Reykjavík. Eitthvað sem Gunnar Smári segir að Samfylkingin hafi ekki staðið við. Segir hann að á fjögurra ára fresti birti flokkurinn sama loforðalistann, „nánast óbreyttan“ en standi svo ekki við hann. Færslan er í heild sinni hér að neðan.

„Afhverju hefur almenningur á Íslandi misst trú á stjórnmálunum? Er eitthvað að almenningi á Íslandi? Eða er eitthvað alvarlegt að stjórnmálunum á Íslandi?

Traust almennings á Íslandi til þings og sveitarstjórna, grunnstoðum hins borgaralega lýðræðis, er miklu minna en í nágrannalöndum okkar. Þetta sést á hverri mælingunni á eftir annarri. Traustið er svo lítið að vandséð er hvernig Íslendingar ætla að ná að endurreisa lýðræðið, skapa samfélag þar sem almenningur lítur svo á að hann hafi einhver völd, eitthvað um það að segja hvert samfélagið stefnir.
Ég rakst á þessa auglýsingu frá 2006 á Facebook. Næst þegar kosið verður til borgarstjórnar verður auglýsingin tvítug. Á þeim 20 árum mun Samfylkingin hafa verið í meirihlutasamstarfi í 16 ár og rúma 3 mánuði. Hún hefur því haft nægan tíma til að móta borgina eftir því sem hún hefur lofað borgarbúum.
Eins og þið sjáið á listanum hefur flokkurinn ekki gert það, heldur birtist hann á fjögurra ára fresti með sama loforðalistann nánast óbreyttan. Og þegar gengið er á frambjóðendur er svarið að flokkurinn sé skárri en Sjálfstæðisflokkurinn, Reykjavík þó skárri en Garðabær.

Um hvað eru borgarmál í dag? Það er í raun engin leið að greina það. Umræðan er mest eitthvert undarlegt menningarstríð milli hjólandi og akandi, eins og þetta sé sitthvor hópurinn. Og hvers vegna? Gjaldþrota stjórnmálafólk grípur alltaf til menningarstríðs til að fela eigin vangetu, fela að það hefur enga stefnu aðra en að vera í starfi þar sem fylgir bíll og bílstjóri.“

Loforð Samfylkingarinnar

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -