Inga Sæland fór gjörsamlega á kostum í útvarpsþættinum Félagsmiðstöðin á Rás 2 er hún söng lagið Simply the Best sem Tina Turner heitin gerði frægt á sínum tíma.
Þeir Siggi Gunnars og Friðrik Ómar, þáttastjórnendur Félagsmiðstöðvarinnar komu gesti sínum, Ingu Sæland, formann Flokks fólksins, á óvart með því að biðja hana að taka lagið í beinni útsendingu en hún hefur áður sannað að hún er mjög fær sönkona en hún keppti á sínum tíma í X-factor með góðum árangri. Inga sagðist ekki hafa sungið í 100 ár en Friðrik Ómar sagðist þá geta hjálpað henni. Þegar á reyndi, kom í ljós að Inga þurfti akkurat enga hjálp. „Það eina sem gæti gerst er að allir fari að hlægja og hefðu gaman að því að ég geri mig að algjöru fífli og mér gæti ekki verið meira sama,“ sagði Inga ísköld áður en hún hóf upp raust sína.
Hér fyrir neðan má sjá Ingu fara algjörlega að kostum: