Árni Bjarnason, formaður Félags skipstjórnarmanna, segir löngu kominn tíma á það að íslenskir skipstjórar hætti að láta útgerðirnar endalaust stjórna sér. Það er ástæðan fyrir því að félagið tók þátt í að kæra Svein Geir Arnasson, skipstjóra Júlíusar Geirmundssonar ÍS, fyrir frægan Covid-túr fyrstitogararns sem Mannlíf greindi fyrst frá.

Sjóprófum vegna túrsins alræmda er lokið. Endurriti sjóprófanna verður nú komið til Lögreglustjórans á Vestfjörðum, Samgöngustofu og Rannsóknarnefndar sjóslysa. Samkvæmt heimildum Mannlífs gekk málsvörn skipstjórans og útgerðarinnar mikið út á það að þar sem ekki hefði verið um neitt staðfest Covid-smit um borð í togaranum að ræða hafi ekki verið nein ástæða til að snúa skipinu við. Það gerðu þeir þrátt fyrir að umdæmislæknir sóttvarna á Vestfjörðum hafði ítrekað beðið um að skipið kæmi í land til Covid-skimana.

Forsvarsmenn Verkalýðsfélags Vestfjarða furða sig á þeirri gjá sem virðist vera á milli brúar og vélarrúms Júlíusar annars vegar og skipverjanna á dekki hins vegar. Það kemur fram í tilkynningu sem félagið gaf frá sér.

„Efnislega um veiðiferðina má segja að ljóst sé að Covid hafi verið blákaldur raunveruleiki okkar manna á dekki frá fyrstu dögum veiðiferðarinnar sem reyndi verulega á þá bæði andlega og líkamlega. Af spurningum lögmanna sjóprófsþola og vitnisburði vélstjóra virðist vera um annan veruleika að ræða bæði í vél og í brú. Þar álitu menn að um einhverja pest væri að ræða. Samskiptaleiðir um borð eru augljóslega ekki skilvirkar, en virðast upplýsingar um Covid ekki hafa ratað hvorki í vél né í brú,“ segir í tilkynningunni.

Þetta rímar við þá staðreynd hversu lítið var ritað í sjódagbók togarans um Covid þrátt fyrir að skipverjarnir deildu skipinu með veirunni skæðu í þrjár vikur með þeim afleiðingum að þeir smituðust næstum allir. Samt þráaðist útgerðin við að afhenda sjódagbókina í undanfara sjóprófanna. Þegar svo kom að prófunum fyrir rétti neituðu Sveinn skipstjóri og Einar Valur Kristjánsson, framkvæmdastjóri útgerðarinnar, að bera vitni þar sem þeir eru sakborningar í lögreglurannsókn. Sveinn mætti til prófanna engu að síður og sat í salnum á meðan undirmenn hans vitnuðu um túrinn. Það gerði Valdimar Steinþórsson útgerðarstjóri einnig.

Í tilkynningu Verkalýðsfélags Vestfjarða kemur fram að það sé ljóst að Sveinn skipstjóri ætli sér að taka skellinn þrátt fyrir að vitnisburðir í sjóprófi bendi til þess að hann hafi ekki tekið sínar ákvarðanir án aðkomu annarra.

Sautján skip­stjórar hjá útgerðarfyrirtækinu Sam­herja sendu frá sér yfir­lýs­ingu í gær þar sem þeir segja umræðu um COVID-19 smit um borð í tog­ar­anum Júl­íus Geir­munds­syni hafa skaðað ímynd sjó­manna­stétt­ar­inn­ar. Þar gagrýndu þeir harðlega að stéttarfélag skipstjóra hafi kært sinn eigin félagsmann, Svein skipstjóra, til lögreglu.

Nokkur stétt­ar­fé­lög stóðu saman að lög­reglu­kæru á hendur Hrað­frysti­hús­inu Gunn­vör, útgerð Júl­í­usar Geir­munds­son­ar, og kröfð­ust einnig sjó­prófs í mál­inu. Félögin eru Verka­lýðs­fé­lags Vest­fjarða, Sjó­manna­fé­lag Íslands, Sjó­manna­sam­band Íslands, VM – félag vél­stjóra og málm­tækni­manna og Félags skip­stjórn­ar­manna sem Árni stýrir. Hann segir augljóst að útgerðin hafi komið að ákvarðanatökum Covid-túrsins og skýrir aðkomu félagsins að lögreglukærunni með eftirfarandi hætti:

„Við viljum láta reyna á öldruð sjómannalög og það er ljóst að útgerðin er ekki stikkfrí í þessu máli. Ég talaði við skipstjórann á fyrstu stigum málsins og spurði hann að því hvort hann hafi ekki fengið einhverjar leiðbeiningar og leiðsögn frá útgerðinni. Hann sagðist hafa verið í stöðugu sambandi við útgerðina allan túrinn en svo vildi hann ekki segja meira. Það er nóg komið af því að skipstjórar láti stjórnast endalaust af útgerðunum. Það er ástæða númer 1, 2, 3 og 4 fyrir því hvers vegna við förum í þessa kæru því þetta hefur hvílt mjög þung á manni,“ segir Árni.

Þetta eru Samherjastjórarnir sem gagnrýna stéttarfélagið sitt: 

Pálmi Gauti Hjörleifsson, skipstjóri

Kristján Salmannsson, skipstjóri

Oliver Karlsson, stýrimaður

Guðmundur Freyr Guðmundsson, skipstjóri

Markús Jóhannesson, skipstjóri

Árni R Jóhannesson, stýrimaður

Ásgeir Pálsson, skipstjóri

Oddur Jóhann Brynjólfsson, skipstjóri

Gauti Valur Hauksson, stýrimaður

Sigtryggur Gíslason, skipstjóri

Angantýr Arnar Árnason, skipstjóri

Guðmundur Þ Jónsson, skipstjóri

Birkir Hreinsson, skipstjóri

Hákon Þröstur Guðmundsson, skipstjóri

Hjörtur Valsson, skipstjóri

Guðmundur Ingvar Guðmundsson, skipstjóri

Björn Már Björnsson, stýrimaður

Athafnamaðurinn Sigmar Vilhjálmsson, oftast kallaður Simmi Vill, telur það ekki á færi hvers sem er að sækja réttlæti fyrir íslenskum dómstólum. Það sé í raun aðeins fyrir þá ríku.

Sigmar hefur staðið í áralöngum deilum við fyrrverandi viðskiptafélaga sinn, Skúla Gunnar Sigfússon, sem oftast er kenndur við Subway, vegna reksturs þeirra á Hamborgarafabrikkunni á sínum tíma. Hann segist hafa þurft að punga út 26 milljónum króna í dómsmálin gegn Skúla og enn sjái ekki fyrir endann á fjárútlátunum því Hæstiréttur hefur vísað málinu aftur heim í hérað vegna formgalla. „Það sem er erfitt við minnihlutaverndina er að sá sem sækir rétt sinn, sem er ég í þessu tilfelli, ég þarf að vera aflögufær um ansi mikið fjármagn til að standa á rétti mínum og þess vegna hafa menn ekki lagt í þessa vegferð,“ sagði Sigmar í samtali við Vísi.

Sigmar segir að það verði að laga í íslensku dómskerfi að einungis þeir sem eigi peninga geti farið í mál. Það eigi ekki að vera forréttindi hinna ríku. „Þetta er líka sorgarferli því þú ert að missa vin, þú ert með viðskiptafélaga sem þú treystir og svo gómarðu hann bara með höndina ofan í kökukrúsinni. Ég kæri og þarf þar af leiðandi að kosta það dómsmál og ég vinn það í héraði og þá eru mér dæmdar málsbætur, en ég fæ ekki greiddar málsbætur því hann áfrýjar. Ég þarf þá að hafa líka efni á vörninni upp landsréttinn, þar vinn ég aftur og dæmdar málsbætur og hann áfrýjar til Hæstaréttar og ég þarf aftur að borga. Ég fæ aldrei til baka neitt sem ég legg út, ég þarf að hafa efni á öllum þremur dómstigunum ef ég ætla að standa á rétti mínum. Og Hæstiréttur sendir málið aftur til baka vegna formgalla, mistaka, hjá réttinum og ég þarf að borga það þá í annað skiptið. Þetta er orðin engin smá upphæð og það er ekki á færi allra minnihluta að reka svona mál og það finnst mér eitthvað sem á að skoða,“ segir Sigmar og bætir við:

„Það eiga ekki að vera forréttindi þeirra sem eiga peninga sem eiga að geta leitað réttar síns. Þetta er eitthvað mál sem ég mun örugglega fara með eitthvað lengra þegar þessu er máli er lokað. Það er ekki réttarríkið sem ég held að sé réttlátt, að eingöngu þeir sem eiga pening geta farið í mál, alls ekki.“

„Heilbrigðiskerfið brást honum alveg,“ sagði Eva Dögg Sigurgeirsdóttir, fósturdóttir Gísla Rúnars í einlægu viðtali við Ísland í dag á Stöð 2 í kvöld.

Eva fjallaði um sjálfsvíg og geðsjúkdóma en hún hefur, síðan Gísli tók eigið líf í sumar, vakið athygli á geðheilbrigðismálum og sjálfsvígum.

Systkinin tóku sameiginlega ákvörðun um að Eva stigi fram og segði frá sem hún gerði í viðtali við Fréttablaðið. „Pabbi var mikil þjóðargersemi. Við ákváðum að þetta væri ekki tabú, við vildum bara ræða þetta,“ sagði Eva.

Hún greindi frá því að þegar Gísli dó hafi hann skilið lyfseðlana sína eftir á borðinu svo auðvelt væri að sjá. Eftir að hafa rýnt í seðlana komst Eva að því að aukaverkanirnar frá lyfjunum, sem pabbi hennar var á við geðhvarfasýki tvö, væru sjálfsvígshugsanir.

„Eftir jólin í fyrra var hann orðinn mjög þungur.“ Eva tók það að sér að hjálpa honum að halda jólin. Gísli var óvirkur alkóhólisti fór að misnota geðlyfin sem hann neytti við geðsjúkdómi og var lagður á Vog í meðferð. Eftirfylgnin hafi hins vegar brugðist vegna COVID.

Eva tók fram að hún væri ekki sérfræðingur en hún upplifi að saga margra sé þannig að þeir sem fari í meðferð og falli aftur eigi á hættu á að taka eigið líf.

Hún rifjaði upp að Gísli hafði rætt við sig um lyfin og að þau færu illa í hann. Hann virtist vera orðinn svolítið hræddur um sig og fór að biðja börnin sín að tékka á sér. Erla sagði það hafa verið mjög óþægilegt og hún hafi orðið hrædd um hann.

„Hvað ætli margir séu að deyja af því kerfið er ekki að virka?,“ spurði Eva og minntist á allt fólkið sem væri á biðlistana eftir að komast að í geðheilbrigðiskerfinu.

„Við þurfum að fara að bjarga fólki. Við eigum ekki að telja hve marga við höfum misst heldur hve mörgum við getum bjargað“

Minningarsjóður í nafni Gísla

Fjölskyldan hefur nú að stofnað sjóð í minningu Gísla Rúnars og vilja styrkja samtök á borð við  Píetasamtökin og önnur geðhjálparsamtök.

Þau hafa sett í sölu fjölnotagrímur með leikhústákninu sem sýnir kómedíuna og tragedíuna, sem lýsir ævi og störfum Gísla mjög vel. Á grímunum eru svo setningar sem hægt er tengja við Gísla, „Fór í banka ekki banka“ og „Afsakið hlé“ og á þriðju grímunni stendur „Sagan þín er ekki búin“. Salan á grímunum fer fram á vef Gísla Rúnars.

„Ég veit hann er hérna með okkur og ætlar að hjálpa okkur að hjálpa öðrum,“ sögðu Eva og Róbert Óliver börn Gísla Rúnars.

Gylfi Páll Hersir jarðeðlisfræðingur minnist knattspyrnusnillingsins Diego Maradona með upprifjun á því þegar leiðir þeirra lágu saman. Hann segir að knattspyrnumanninum hafi verið fyrirgefnir allir misbrestirnir í lífinu.

Gylfi ritar um knattspyrnugoðið í færslu á Facebook. „Þá er Maradona fallinn frá, sá mikli snillingur. Hann ólst upp í mikilli fátækt í Buenos Aires og varð besti leikmaður sögunnar að margra mati, þrátt fyrir að vera fáránlega einfættur og kunna ekki að skalla. Þá var á þessum árum leyfð ótrúleg harka og hann óspart sparkaður niður. Honum fylgdi hjörð vina og vandamanna sem hann hélt uppi meðan á atvinnumennskunni stóð. Honum voru fyrirgefnir allir/flestir misbrestirnir í lífinu sem fylgja svona skjótum frama – í Argentínu er hann sem heilagur maður. Það má að mörgu leyti rekja til uppruna hans,“ segir Gylfi.

Árni Bjarnason, formaður Félags skipstjórnarmanna, segir löngu kominn tíma á það að íslenskir skipstjórar hætti að láta útgerðirnar endalaust stjórna sér. Það er ástæðan fyrir því að félagið tók þátt í að kæra Svein Geir Arnasson, skipstjóra Júlíusar Geirmundssonar ÍS, fyrir frægan Covid-túr fyrstitogararns sem Mannlíf greindi fyrst frá.

Sjóprófum vegna túrsins alræmda er lokið. Endurriti sjóprófanna verður nú komið til Lögreglustjórans á Vestfjörðum, Samgöngustofu og Rannsóknarnefndar sjóslysa. Samkvæmt heimildum Mannlífs gekk málsvörn skipstjórans og útgerðarinnar mikið út á það að þar sem ekki hefði verið um neitt staðfest Covid-smit um borð í togaranum að ræða hafi ekki verið nein ástæða til að snúa skipinu við. Það gerðu þeir þrátt fyrir að umdæmislæknir sóttvarna á Vestfjörðum hafði ítrekað beðið um að skipið kæmi í land til Covid-skimana.

Forsvarsmenn Verkalýðsfélags Vestfjarða furða sig á þeirri gjá sem virðist vera á milli brúar og vélarrúms Júlíusar annars vegar og skipverjanna á dekki hins vegar. Það kemur fram í tilkynningu sem félagið gaf frá sér.

„Efnislega um veiðiferðina má segja að ljóst sé að Covid hafi verið blákaldur raunveruleiki okkar manna á dekki frá fyrstu dögum veiðiferðarinnar sem reyndi verulega á þá bæði andlega og líkamlega. Af spurningum lögmanna sjóprófsþola og vitnisburði vélstjóra virðist vera um annan veruleika að ræða bæði í vél og í brú. Þar álitu menn að um einhverja pest væri að ræða. Samskiptaleiðir um borð eru augljóslega ekki skilvirkar, en virðast upplýsingar um Covid ekki hafa ratað hvorki í vél né í brú,“ segir í tilkynningunni.

Þetta rímar við þá staðreynd hversu lítið var ritað í sjódagbók togarans um Covid þrátt fyrir að skipverjarnir deildu skipinu með veirunni skæðu í þrjár vikur með þeim afleiðingum að þeir smituðust næstum allir. Samt þráaðist útgerðin við að afhenda sjódagbókina í undanfara sjóprófanna. Þegar svo kom að prófunum fyrir rétti neituðu Sveinn skipstjóri og Einar Valur Kristjánsson, framkvæmdastjóri útgerðarinnar, að bera vitni þar sem þeir eru sakborningar í lögreglurannsókn. Sveinn mætti til prófanna engu að síður og sat í salnum á meðan undirmenn hans vitnuðu um túrinn. Það gerði Valdimar Steinþórsson útgerðarstjóri einnig.

Í tilkynningu Verkalýðsfélags Vestfjarða kemur fram að það sé ljóst að Sveinn skipstjóri ætli sér að taka skellinn þrátt fyrir að vitnisburðir í sjóprófi bendi til þess að hann hafi ekki tekið sínar ákvarðanir án aðkomu annarra.

Sautján skip­stjórar hjá útgerðarfyrirtækinu Sam­herja sendu frá sér yfir­lýs­ingu í gær þar sem þeir segja umræðu um COVID-19 smit um borð í tog­ar­anum Júl­íus Geir­munds­syni hafa skaðað ímynd sjó­manna­stétt­ar­inn­ar. Þar gagrýndu þeir harðlega að stéttarfélag skipstjóra hafi kært sinn eigin félagsmann, Svein skipstjóra, til lögreglu.

Nokkur stétt­ar­fé­lög stóðu saman að lög­reglu­kæru á hendur Hrað­frysti­hús­inu Gunn­vör, útgerð Júl­í­usar Geir­munds­son­ar, og kröfð­ust einnig sjó­prófs í mál­inu. Félögin eru Verka­lýðs­fé­lags Vest­fjarða, Sjó­manna­fé­lag Íslands, Sjó­manna­sam­band Íslands, VM – félag vél­stjóra og málm­tækni­manna og Félags skip­stjórn­ar­manna sem Árni stýrir. Hann segir augljóst að útgerðin hafi komið að ákvarðanatökum Covid-túrsins og skýrir aðkomu félagsins að lögreglukærunni með eftirfarandi hætti:

„Við viljum láta reyna á öldruð sjómannalög og það er ljóst að útgerðin er ekki stikkfrí í þessu máli. Ég talaði við skipstjórann á fyrstu stigum málsins og spurði hann að því hvort hann hafi ekki fengið einhverjar leiðbeiningar og leiðsögn frá útgerðinni. Hann sagðist hafa verið í stöðugu sambandi við útgerðina allan túrinn en svo vildi hann ekki segja meira. Það er nóg komið af því að skipstjórar láti stjórnast endalaust af útgerðunum. Það er ástæða númer 1, 2, 3 og 4 fyrir því hvers vegna við förum í þessa kæru því þetta hefur hvílt mjög þung á manni,“ segir Árni.

Þetta eru Samherjastjórarnir sem gagnrýna stéttarfélagið sitt: 

Pálmi Gauti Hjörleifsson, skipstjóri

Kristján Salmannsson, skipstjóri

Oliver Karlsson, stýrimaður

Guðmundur Freyr Guðmundsson, skipstjóri

Markús Jóhannesson, skipstjóri

Árni R Jóhannesson, stýrimaður

Ásgeir Pálsson, skipstjóri

Oddur Jóhann Brynjólfsson, skipstjóri

Gauti Valur Hauksson, stýrimaður

Sigtryggur Gíslason, skipstjóri

Angantýr Arnar Árnason, skipstjóri

Guðmundur Þ Jónsson, skipstjóri

Birkir Hreinsson, skipstjóri

Hákon Þröstur Guðmundsson, skipstjóri

Hjörtur Valsson, skipstjóri

Guðmundur Ingvar Guðmundsson, skipstjóri

Björn Már Björnsson, stýrimaður

Athafnamaðurinn Sigmar Vilhjálmsson, oftast kallaður Simmi Vill, telur það ekki á færi hvers sem er að sækja réttlæti fyrir íslenskum dómstólum. Það sé í raun aðeins fyrir þá ríku.

Sigmar hefur staðið í áralöngum deilum við fyrrverandi viðskiptafélaga sinn, Skúla Gunnar Sigfússon, sem oftast er kenndur við Subway, vegna reksturs þeirra á Hamborgarafabrikkunni á sínum tíma. Hann segist hafa þurft að punga út 26 milljónum króna í dómsmálin gegn Skúla og enn sjái ekki fyrir endann á fjárútlátunum því Hæstiréttur hefur vísað málinu aftur heim í hérað vegna formgalla. „Það sem er erfitt við minnihlutaverndina er að sá sem sækir rétt sinn, sem er ég í þessu tilfelli, ég þarf að vera aflögufær um ansi mikið fjármagn til að standa á rétti mínum og þess vegna hafa menn ekki lagt í þessa vegferð,“ sagði Sigmar í samtali við Vísi.

Sigmar segir að það verði að laga í íslensku dómskerfi að einungis þeir sem eigi peninga geti farið í mál. Það eigi ekki að vera forréttindi hinna ríku. „Þetta er líka sorgarferli því þú ert að missa vin, þú ert með viðskiptafélaga sem þú treystir og svo gómarðu hann bara með höndina ofan í kökukrúsinni. Ég kæri og þarf þar af leiðandi að kosta það dómsmál og ég vinn það í héraði og þá eru mér dæmdar málsbætur, en ég fæ ekki greiddar málsbætur því hann áfrýjar. Ég þarf þá að hafa líka efni á vörninni upp landsréttinn, þar vinn ég aftur og dæmdar málsbætur og hann áfrýjar til Hæstaréttar og ég þarf aftur að borga. Ég fæ aldrei til baka neitt sem ég legg út, ég þarf að hafa efni á öllum þremur dómstigunum ef ég ætla að standa á rétti mínum. Og Hæstiréttur sendir málið aftur til baka vegna formgalla, mistaka, hjá réttinum og ég þarf að borga það þá í annað skiptið. Þetta er orðin engin smá upphæð og það er ekki á færi allra minnihluta að reka svona mál og það finnst mér eitthvað sem á að skoða,“ segir Sigmar og bætir við:

„Það eiga ekki að vera forréttindi þeirra sem eiga peninga sem eiga að geta leitað réttar síns. Þetta er eitthvað mál sem ég mun örugglega fara með eitthvað lengra þegar þessu er máli er lokað. Það er ekki réttarríkið sem ég held að sé réttlátt, að eingöngu þeir sem eiga pening geta farið í mál, alls ekki.“

„Heilbrigðiskerfið brást honum alveg,“ sagði Eva Dögg Sigurgeirsdóttir, fósturdóttir Gísla Rúnars í einlægu viðtali við Ísland í dag á Stöð 2 í kvöld.

Eva fjallaði um sjálfsvíg og geðsjúkdóma en hún hefur, síðan Gísli tók eigið líf í sumar, vakið athygli á geðheilbrigðismálum og sjálfsvígum.

Systkinin tóku sameiginlega ákvörðun um að Eva stigi fram og segði frá sem hún gerði í viðtali við Fréttablaðið. „Pabbi var mikil þjóðargersemi. Við ákváðum að þetta væri ekki tabú, við vildum bara ræða þetta,“ sagði Eva.

Hún greindi frá því að þegar Gísli dó hafi hann skilið lyfseðlana sína eftir á borðinu svo auðvelt væri að sjá. Eftir að hafa rýnt í seðlana komst Eva að því að aukaverkanirnar frá lyfjunum, sem pabbi hennar var á við geðhvarfasýki tvö, væru sjálfsvígshugsanir.

„Eftir jólin í fyrra var hann orðinn mjög þungur.“ Eva tók það að sér að hjálpa honum að halda jólin. Gísli var óvirkur alkóhólisti fór að misnota geðlyfin sem hann neytti við geðsjúkdómi og var lagður á Vog í meðferð. Eftirfylgnin hafi hins vegar brugðist vegna COVID.

Eva tók fram að hún væri ekki sérfræðingur en hún upplifi að saga margra sé þannig að þeir sem fari í meðferð og falli aftur eigi á hættu á að taka eigið líf.

Hún rifjaði upp að Gísli hafði rætt við sig um lyfin og að þau færu illa í hann. Hann virtist vera orðinn svolítið hræddur um sig og fór að biðja börnin sín að tékka á sér. Erla sagði það hafa verið mjög óþægilegt og hún hafi orðið hrædd um hann.

„Hvað ætli margir séu að deyja af því kerfið er ekki að virka?,“ spurði Eva og minntist á allt fólkið sem væri á biðlistana eftir að komast að í geðheilbrigðiskerfinu.

„Við þurfum að fara að bjarga fólki. Við eigum ekki að telja hve marga við höfum misst heldur hve mörgum við getum bjargað“

Minningarsjóður í nafni Gísla

Fjölskyldan hefur nú að stofnað sjóð í minningu Gísla Rúnars og vilja styrkja samtök á borð við  Píetasamtökin og önnur geðhjálparsamtök.

Þau hafa sett í sölu fjölnotagrímur með leikhústákninu sem sýnir kómedíuna og tragedíuna, sem lýsir ævi og störfum Gísla mjög vel. Á grímunum eru svo setningar sem hægt er tengja við Gísla, „Fór í banka ekki banka“ og „Afsakið hlé“ og á þriðju grímunni stendur „Sagan þín er ekki búin“. Salan á grímunum fer fram á vef Gísla Rúnars.

„Ég veit hann er hérna með okkur og ætlar að hjálpa okkur að hjálpa öðrum,“ sögðu Eva og Róbert Óliver börn Gísla Rúnars.

Gylfi Páll Hersir jarðeðlisfræðingur minnist knattspyrnusnillingsins Diego Maradona með upprifjun á því þegar leiðir þeirra lágu saman. Hann segir að knattspyrnumanninum hafi verið fyrirgefnir allir misbrestirnir í lífinu.

Gylfi ritar um knattspyrnugoðið í færslu á Facebook. „Þá er Maradona fallinn frá, sá mikli snillingur. Hann ólst upp í mikilli fátækt í Buenos Aires og varð besti leikmaður sögunnar að margra mati, þrátt fyrir að vera fáránlega einfættur og kunna ekki að skalla. Þá var á þessum árum leyfð ótrúleg harka og hann óspart sparkaður niður. Honum fylgdi hjörð vina og vandamanna sem hann hélt uppi meðan á atvinnumennskunni stóð. Honum voru fyrirgefnir allir/flestir misbrestirnir í lífinu sem fylgja svona skjótum frama – í Argentínu er hann sem heilagur maður. Það má að mörgu leyti rekja til uppruna hans,“ segir Gylfi.